Zenbakitzea eta paragrafo-estiloak

Zenbakitzea eskuz edo paragrafo-estilo baten bidez aplika diezaiekezu paragrafoei.

Zenbakitzea eskuz aplikatzeko

Zenbakitzea eskuz aplikatzeko, egin klik paragrafoan eta, ondoren, egin klik Formatua barrako Txandakatu ordenatutako zerrenda ikonoan, edo erabili ikonoaren goitibeherako koadroa zenbakitze-formatu bat hautatzeko.

• Zenbakitutako edo buletdun zerrenda batean Sartu sakatzen baduzu, LibreOffice aplikazioak automatikoki zenbakituko du hurrengo paragrafoa. Zenbakitzea eta buleta paragrafo berritik kentzeko, sakatu ⏎ berriro.

• Buletak edo zenbakitzea uneko paragrafoan soilik aldatzeko, hautatu paragrafoko karaktere edo hitz bat, aukeratu Formatua - Buletak eta zenbakitzea, eta egin klik beste formatu batean.

• Buletak edo zenbakitzea zerrenda osoan aldatzeko, ziurtatu kurtsorea zerrendan dagoela, aukeratu Formatua - Buletak eta zenbakitzea, eta egin klik beste formatu batean.

• Erabili Buletak eta zenbakitzea barrako komandoak zerrenda-paragrafoen ordena eta maila aldatzeko.

• Zerrenda berean zein paragrafo dauden ikusteko, egin klik zerrenda-paragrafo bateko hasieran dagoen zenbaki edo ikur baten ezkerrean Ikusi - Eremu-itzaldurak (+F8) gaituta dagoela.

Zenbakitzea paragrafo-estilo batekin aplikatzeko

Paragrafo-estiloek kontrol handiagoa eskaintzen dute dokumentu batean aplikatzen diren zenbakitzeen gainean. Paragrafo-estilo bati esleitutako zerrenda-estiloa aldatzen bada, zerrenda-estilo horren zenbakitze-formatua automatikoki aplikatuko zaie paragrafo-estiloa erabiltzen duten paragrafo guztiei.

1. Aukeratu Ikusi - Estiloak, eta ondoren egin klik Paragrafo-estiloak ikonoan.

2. Egin klik eskuineko botoiaz zenbakitzea aplikatzea nahi duzun paragrafo-estiloan eta aukeratu Aldatu.

3. Egin klik Eskema eta zerrenda fitxan.

4. Zerrenda-estiloa koadroan, hautatu aplikatuko den zerrenda-estiloa.

5. Sakatu Ados.

6. Aplikatu paragrafo-estiloa zenbakitzea gehitu nahi diezun paragrafoei.