Indize edo aurkibideetako sarrerak definitzea

Indize-sarrerak definitzeko

1. Egin klik hitz batean edo hautatu dokumentuan indize-sarrera gisa erabili nahi dituzun hitzak.

2. Aukeratu Txertatu - Aurkibidea eta indizea - Indize-sarrera, eta egin honako ekintzetako bat:

• Indizean ageri den testua aldatzeko, idatzi nahi duzun testua Sarrera koadroan. Hor idazten duzun testuak ez du dokumentuan hautatutako testua ordezten.

• Dokumentuko antzeko hitzei indize-marka bat gehitzeko, hautatu Aplikatu antzeko testu guztiei.

• Sarrerak indize pertsonalizatu bati gehitzeko, sakatu Erabiltzaileak definitutako indize berria ikonoa, sartu indizearen izena, eta sakatu Ados.

Aurkibideko sarrerak definitzeko

Aurkibideak sortzeko modurik onena aurkibidean sartu nahi dituzun paragrafo guztiei aurrez definitutako izenburuen paragrafo-estiloak aplikatzea da, esaterako, "1. izenburua".

Paragrafo-estilo pertsonalizatu bat aurkibideko sarrera gisa erabiltzeko

1. Aukeratu Tresnak - Kapitulu-zenbakitzea eta egin klik Zenbakitzea fitxan.

2. Hautatu aurkibidean sartu nahi duzun paragrafo-estiloa Paragrafo-estiloa koadroan.

3. Maila zerrendan, egin klik paragrafo-estiloari aplikatu nahi diozun maila hierarkikoa.

4. Sakatu Ados. Orain, dokumentuko izenburuei estiloa aplika diezaiekezu eta aurkibidean sar ditzakezu.