Goiburuko eta orri-oin ezberdinak definitzea

Goiburuko eta orri-oin ezberdinak erabil ditzakezu dokumentuko orrialdeetan, betiere orrialdeek orrialde-estilo ezberdinak erabiltzen badituzte. LibreOffice aplikazioak aurrez definitutako hainbat orrialde-estilo eskaintzen ditu, esaterako, Lehen orrialdea, Ezkerreko orrialdea eta Eskuineko orrialdea, baina orrialde-estilo pertsonalizatuak ere sor ditzakezu.

Orrialde-diseinu ispilatua ere erabili daiteke kanpoko eta barruko orrialde-marjina desberdinak dituen orrialde-estilo bati goiburukoa gehitu nahi bazaio. Aukera hori orrialde-estilo bati aplikatzeko, aukeratu Formatua - Orrialde-estiloa, egin klik Orrialdea fitxan eta, Diseinu-ezarpenak arean, aukeratu "Ispilatua" Orrialde-diseinua koadroan.

Adibidez, orrialde-estiloak erabil ditzakezu goiburuko ezberdinak definitzeko dokumentuko orrialde bikoiti eta bakoitientzat.

1. Ireki testu-dokumentu berria.

2. Aukeratu Ikusi - Estiloak, eta egin klik 'Estiloak' paneleko Orrialde-estiloak ikonoan.

3. Orrialde-estiloen zerrendan, egin klik eskuineko botoiaz "Eskuineko orrialdea" aukeran, eta aukeratu Aldatu.

4. Orrialde-estiloak elkarrizketa-koadroan, egin klik Goiburukoa fitxan.

5. Hautatu Goiburukoa aktibatuta eta sakatu Antolatzailea fitxa.

6. Hurrengo estiloa kutxan, hautatu "Ezkerreko orrialdea".

7. Sakatu Ados.

8. Estiloak leihoan, egin klik eskuineko botoiarekin orrialde-estiloen zerrendako "Ezkerreko orrialdea" aukeran eta aukeratu Aldatu.

9. Orrialde-estiloak elkarrizketa-koadroan, egin klik Goiburukoa fitxan.

10. Hautatu Goiburukoa aktibatuta eta sakatu Antolatzailea fitxa.

11. Hurrengo estiloa kutxan, hautatu "Eskuineko orrialdea".

12. Sakatu Ados.

13. Egin klik bikoitza orrialde-estiloak zerrendako "Eskuineko orrialdea" aukeran estiloa uneko orrialdeari aplikatzeko.

14. Sartu testua edo grafikoak 'Ezkerreko orrialdea' estiloarentzako goiburukoan. Dokumetuan hurrengo orrialdea gehitutakoan, sartu testua edo grafikoak Eskuineko orrialdea estiloarentzako goiburukoan.