Kapitulu-zenbakiak gehitzea epigrafeei

Epigrafeetan kapitulu-zenbakiak gehi ditzakezu.

Ziurtatu dokumentuko testua kapitulutan antolatuta dagoela, eta kapitulu-tituluek eta (nahi izanez gero) sekzio-tituluek aurrez definitutako izenburuen paragrafo-estilo bat erabiltzen dutela. Izenburuen paragrafo-estiloei zenbakitze-aukera bat esleitu behar diezu.

1. Hautatu epigrafea gehitu nahi diozun elementua.

2. Aukeratu Txertatu - Epigrafea.

3. Hautatu epigrafearen izenburua Kategoria koadroan eta hautatu zenbakitze-eskema bat Zenbakitzea koadroan.
   Epigrafearen testua ere sartu daiteke koadro horretan. Nahi izanez gero, sartu testua Epigrafia koadroan.

4. Egin klik Aukerak botoian.

5. Maila kutxan, hautatu kapitulu-zenbakia izango duten izenburu-mailen kopurua.

6. Idatzi, Bereizlea koadroan, kapitulu-zenbakia(k) epigrafe-zenbakitik bananduko duen karakterea, eta ondoren sakatu Ados.

7. Epigrafea elkarrizketa-koadroan, egin klik Ados botoian.