Atzeko planoaren koloreak edo atzeko planoko grafikoak definitzea

Atzeko planoaren kolorea defini dezakezu edo irudi bat atzeko plano gisa erabil dezakezu LibreOffice Writerreko zenbait objektutan.

Testu-karaktereei atzeko planoa aplikatzeko

  1. Hautatu karaktereak.

  2. Aukeratu Formatua - Karakterea.

  3. Egin klik Atzeko planoa fitxan, hautatu atzeko planoa.

Paragrafo bati atzeko planoa aplikatzeko

  1. Ipini kurtsorea paragrafoan edo hautatu hainbat paragrafo.

  2. Aukeratu Formatua - Paragrafoa.

  3. Atzeko planoa fitxa-orrian, hautatu atzeko planoaren kolorea edo irudia.

tip

Atzeko planoko objektu bat hautatzeko, mantendu sakatuta tekla eta egin klik objektuan. Bestela, erabili nabigatzailea objektua hautatzeko.


Taula osoari edo zati bati atzeko planoa aplikatzeko

  1. Ipini kurtsorea testu-dokumentuko taulan.

  2. Aukeratu Taula – Propietateak.

  3. Atzeko planoa fitxa-orrian, hautatu atzeko planoaren kolorea edo irudia.

  4. Honetarako koadroan, aukeratu kolorea edo irudia uneko gelaxkari, uneko errenkadari edo taula osoari aplikatu behar zaion. Elkarrizketa-koadroa ireki aurretik zenbait gelaxka edo errenkada hautatzen badituzu, aldaketa hautapenari aplikatuko zaio.

tip

Halaber, ikono bat erabil dezakezu taulako zati batzuei atzeko planoa aplikatzeko.


tip

Gelaxkei atzeko planoaren kolorea aplikatzeko, hautatu gelaxkak eta erabili Taula tresna-barrako Taula-gelaxkaren atzeko planoaren kolorea botoiaren goitibeherakoa.


tip

Gelaxka bateko testu-paragrafo bati atzeko planoaren kolorea aplikatzeko, kokatu kurtsorea testu-paragrafoan eta erabili Formatua tresna-barrako Atzeko planoaren kolorea goitibeherako botoia.


Emaguzu laguntza!