Formula

Azpimenu bat irekitzen du, eta horren bidez formula bat txerta dezakezu taulako gelaxka batean. Kokatu kurtsorea taulako gelaxka batean edo dokumentuan emaitza agertzea nahi duzun lekuan. Egin klik Formula ikonoan eta aukeratu nahi duzun formula azpimenuan.

Formaula sarrera-lerroan agertuko da. Taulako gelaxka-barrutia zehazteko, hautatu nahi dituzun gelaxkak saguaren bidez. Dagozkien gelaxka-erreferentziak sarrera-lerroan ere agertzen dira. Sartu beharrezko parametro osagarriak eta egin klik Aplikatu botoian sarrera berresteko. Formula zuzenean ere sar dezakezu sintaxia egokia ezagutzen baduzu. Hori beharrezkoa da, adibidez, Txertatu eremuak eta Editatu eremuak elkarrizketa-koadroetan.

Komando hau erabiltzeko...

Joan Taula - Editatu formula aukerara.

'Taula' tresna-barran, sakatu Txertatu edo editatu formula ikonoa.

Testu-dokumentu batean, sakatu F2.

Formula

Formula-aukeren laburpena

Oinarrizko kalkulu-funtzioak

Eragiketa	Izena	Adibidea
Batuketa	+	Batura kalkulatzen du. Adibidea: <A1> + 8
Kenketa	-	Diferentzia kalkulatzen du. Adibidea: 10 - <B5>
Biderketa	MUL edo *	Biderkadura kalkulatzen du. Adibidea: 7 MUL 9 funtzioak 63 erakusten du
Zatiketa	DIV edo /	Zatidura kalkulatzen du. Adibidea: 100 DIV 15 funtzioak 6,67 erakusten du

Azpimenuko oinarrizko funtzioak

Funtzioa	Izena	Adibidea
Batuketa	SUM	Hautatutako gelaxken batuketa kalkulatzen du. Adibidea: SUM <A2:C2> funtzioak A2 eta C2 arteko gelaxketako balioen batura bistaratzen du
Biribildu	ROUND	Zenbaki bat biribiltzen du zehaztutako dezimal kopurua erabilita. Adibidea: 15,678 ROUND 2 funtzioak 15,68 bistaratzen du
Ehunekoa	PHD	Ehunekoa kalkulatzen du. Adibidea: 10 + 15 PHD formulak 10,15 bistaratzen du
Erro karratua	SQRT	Erro karratua kalkulatzen du. Adibidea: SQRT 25 funtzioak 5 erakusten du
Potentzia	POW	Zenbaki baten berretura kalkulatzen du. Adibidea: 2 POW 8 funtzioak 256 erakusten du

Eragileak

Eragile bat baino gehiago txertatu daiteke formulan. Aukeratu honako funtzioen artean:

Eragilea	Izena	Adibidea
Zerrenda-bereizlea	\|	Zerrenda bateko elementuak bereizten ditu. Zerrendaren adibidea: MIN 10\|20\|50\|<C6>\|<A2:B6>\|20
berdin	EQ edo ==	Hautatutako balioak berdinak diren egiaztatzen du. Berdinak ez badira, emaitza zero izango da, bestela 1 (true) agertuko da. Adibidea: <A1> EQ 2 funtzioak 1 erakusten du, A1 gelaxkaren edukia 2 bada
Desberdin	NEQ edo !=	Hautatutako balioen arteko desberdintza probatzen du. Adibidea: <A1> NEQ 2 funtzioak 0 (okerra) erakusten du, A1 gelaxkaren edukia 2 bada
Txikiago edo berdin	LEQ	Zehaztutako balioa baino txikiagoak edo berdinak diren balioak probatzen ditu. Adibidea: <A1> LEQ 2 funtzioak 1 (egia) bistaratzen du A1 gelaxkaren edukia 2 balioaren berdina edo hura baino txikiagoa bada
Handiago edo berdin	GEQ	Zehaztutako balioa baino handiagoak edo berdinak diren balioak probatzen ditu. Adibidea: <A1> GEQ 2 funtzioak 1 (egia) bistaratzen du A1 gelaxkaren balioa 2 balioaren berdina edo hura baino handiagoa bada
Gutxiago	L	Zehaztutako balioa baino txikiagoak diren balioak probatzen ditu. Adibidea: <A1> L 2 funtzioak 1 (egia) bistaratzen du A1 gelaxkaren edukia 2 baino txikiagoa bada
Handiago	G	Zehaztutako balioa baino handiagoak diren balioak probatzen ditu. Adibidea: <A1> G 2 funtzioak 1 (egia) bistaratzen du A1 gelaxkaren edukia 2 baino handiagoa bada
Edo boolearra	OR	OR boolearrarekin bat datozen balioak probatzen ditu. Adibidea: 0 OR 0 formulak 0 (faltsua) bistaratzen du, gainerako guztiak 1 (egiazkoa) bistaratzen du
Edo boolear esklusiboa	XOR	OR boolear esklusiboarekin bat datozen balioak probatzen ditu. Adibidea: 1 XOR 0 formulak 1 (egiazkoa) bistaratzen du
Eta boolearra	AND	AND boolearrarekin bat datozen balioak probatzen ditu. Adibidea: 1 AND 2 formulak 1 (egiazkoa) bistaratzen du
EZ boolearra	NOT	NOT boolearrarekin bat datozen balioak probatzen ditu. Adibidea: NOT 1 (egiazkoa) formulak 0 (faltsua) bistaratzen du

Funtzio estatistikoak

Honako funtzio estatistikoen artean aukeratu daiteke:

Funtzioa	Izena	Adibidea
Batezbestekoa	MEAN	Balioen batezbesteko aritmetikoa kalkulatzen du barruti edo zerrenda batean. Adibidea: MEAN 10\|30\|20 formulak 20 bistaratzen du
Balio minimoa	MIN	Balio minimoa kalkulatzen du barruti edo zerrenda batean. Adibidea: MIN 10\|30\|20 formulak 10 bistaratzen du
Balio maximoa	MAX	Balio maximoa kalkulatzen du barruti edo zerrenda batean. Adibidea: MAX 10\|30\|20 funtzioak 30 bistaratzen du
Biderketa	PRODUCT	Hautatutako gelaxken biderketa kalkulatzen du. Adibidea: PRODUCT <A2:C2> funtzioak A2 eta C2 arteko gelaxketako balioen biderketa bistaratzen du
Zenbaketa	COUNT	Hutsik ez dauden gelaxken kopurua zenbatzen du. Adibidea: COUNT <A2:C2> funtzioak A2 eta C2 artean hutsik ez dauden gelaxken kopurua bistaratzen du

Funtzioak

Honako funtzioak hautatu daitezke:

Funtzioa	Izena	Adibidea
Sinua	SIN	Sinua kalkulatzen du radianetan. Adibidea: SIN (PI/2) funtzioak 1 bistaratzen du
Kosinua	COS	Kosinua kalkulatzen du radianetan. Adibidea: COS 1 funtzioak 0,54 bistaratzen du
Tangentea	TAN	Tangentea kalkulatzen du radianetan. Adibidea: TAN <A1>
Arku sinua	ASIN	Arku sinua kalkulatzen du radianetan. Adibidea: ASIN 1
Arku kosinua	ACOS	Arku kosinua kalkulatzen du radianetan. Adibidea: ACOS 1
Arku tangentea	ATAN	Arku tangentea kalkulatzen du radianetan. Adibidea: ATAN 1
Balio absolutua	ABS	Zenbakiaren balio absolutua itzultzen du. Adibidea: ABS -34 funtzioak 34 balioa itzultzen du
Ikurra	SIGN	Zenbakiaren ikur algebraikoa itzultzen du. Adibidea: SIGN -23 funtzioak -1 itzultzen du

Dokumentu-propietateen aldagaiak

Ondorengo dokumentu-propietateak Fitxategia - Propietateak - Estatistikak aukeran ere aurki ditzakezu.

Izena	Deskribapena
CHAR	Dokumentuko karaktere kopurua
WORD	Dokumentuko hitz kopurua
PARA	Dokumentuko paragrafo kopurua
GRAPH	Dokumentuko grafiko kopurua
TABLES	Dokumentuko taula kopurua
OLE	Dokumentuko OLE objektuen kopurua
PAGE	Dokumentuko orrialde kopurua guztira

Definitutako beste balio batzuk

Deskribapena	Izena	Balioa
PI	PI	3.1415...
Euler-en konstantea	E	2.71828...
Egiazkoa	TRUE	ez da 0
Faltsua	FALSE	0