Idaztean

Dokumentuari automatikoki ematen dio formatua idatzi ahala. Formatu-aukerak ezartzeko, aukeratu Tresnak - Autozuzenketa - Aukerak eta egin klik Aukerak fitxan.

Testu-dokumentuak eta ASCII testu-fitxategi soilak formateatzeko erabil daiteke autozuzenketa, baina ez eskuz formatua eman zaien karaktereak aldatzeko. Hitz-osatze automatikoa gertatzeko, hitz bat bigarren aldiz idatzi behar duzu dokumentu batean.

Formatua automatikoki aplikatzean, honako arauak aplikatzen dira:

Autozuzenketa izenburuetan

Paragrafoa izenburu gisa formateatzen da baldintza hauek betetzen direnean:

1. paragrafoa letra maiuskulaz hasten da

2. paragrafoa ez da amaitzen puntuazio-markarekin

3. paragrafo hutsa paragrafoaren gainean eta azpian

Autozuzenketa marra bereizleetan

Hiru marra edo gehiago (---) edo beste karaktere batzuk elkarren jarraian idazten badira eta ondoren⏎ sakatzen bada, paragrafoa orrialde osoaren zabalera hartzen duen marra horizontal batekin ordezkatzen da. Marra hori, izatez, aurreko paragrafoaren beheko ertza da. Paragrafo horren beheko betegarria 0.75 mm-koa da. Honako arauak aplikatuko dira:

1. Hiru marratxok (-) marra bakuna (0.05 pt-ko lodiera) sortzen dute.

2. Hiru azpimarrak (_) marra bakuna (0.75 pt-ko lodiera) sortzen dute.

3. Hiru berdinketa-ikurrek (=) marra bikoitz mehea (0.75 pt-ko lodiera) sortzen dute.

4. Hiru asterisko-ikurrek (*) marra bikoitz lodi/mehea (2.25 pt-ko lodiera) sortzen dute.

5. Hiru tilet-ikurrek (~) marra bikoitz mehe/lodia (2.25 pt-ko lodiera) sortzen dute.

6. Hiru traol-ikurrek (#) marra bikoitz ertaina (1.5 pt-ko lodiera) sortzen dute.