Baldintza

Definitu hemen baldintzapeko estiloetarako baldintzak.

Komando hau erabiltzeko...

Egin klik eskuineko botoiarekin Testu-gorputza estiloa duen paragrafoan. Aukeratu Editatu paragrafo-estiloa - Baldintza fitxa.

Aukeratu Ikusi - Estiloak (F11). Egin eskuineko klik paragrafo-estilo batean. Aukeratu Berria - Baldintza fitxa.


Baldintzapeko estiloak testuinguruaren arabera propietate desberdinak dituzten paragrafo-estiloak dira. Definitutakoan, ezin dituzu baldintzapeko estiloen baldintzapeko propietateak aldatu.

LibreOffice aplikazioak honela aplikatzen ditu baldintzapeko estiloko paragrafo-propietateak (termino lodiak elkarrizketa-koadroetako eremuen izenburuak dira): Baldintzapeko estiloaren bidez formateatutako paragrafoa Aplikatutako estiloa estekatuta duen Testuinguruan baldin badago, baldintza horren Paragrafo-estiloa erabiliko da. Testuinguruari estekatutako estilorik ez badago, baldintzapeko estiloan definitutako atributuak aplikatzen dira. Ondorengo adibideak erakusten du lotura hori:

  1. Ireki testu-dokumentu huts bat eta idatzi goiburua duen gutun komertzial laburra (Formatua - Orrialdea - Goiburukoa).

  2. Definitu paragrafo-estilo berri bat. Horretarako, aukeratu Berria aukera Estiloak leihoan, eta hautatu gutun komertzialean aplikatu nahi dituzun paragrafo-propietate guztiak Paragrafo-estiloa elkarrizketa-koadroan. Estilo horri jarri "Gutun komertziala" izena.

  3. Ondoren, egin klik Baldintza fitxan eta hautatu Baldintzapeko estiloa eremua paragrafo-estilo berria baldintzapeko estilo gisa definitzeko.

  4. Testuinguruan, hautatu goiburukoaren sarrera eta Paragrafo-estiloetan hautatu gutun komertzialeko goiburukoaren estiloa; adibidez, "Goiburukoa" paragrafo-estilo lehenetsia. Zure estiloa ere hauta dezakezu.

  5. Testuinguruari paragrafo-estiloa aplikatzeko, egin klik bikoitza Paragrafo-estiloak zerrenda-koadroko hautatutako sarreran, edo erabili Aplikatu.

  6. Egin klik Ados botoian paragrafo-estiloaren elkarrizketa-koadroa ixteko, eta, ondoren, eman formatua gutun komertzialeko paragrafo guztiei, goiburukoari barne, "Gutun komertziala" baldintzapeko paragrafo-estiloa aplikatuz. (Goiburukoan klik egitean, baliteke Estilo guztiak edo Estilo pertsonalizatuak bistaratu behar izatea estilo-zerrendan 'gutun komertziala' estilo berria erabiltzeko.)

Goiburuko testuak paragrafo-estiloan zehaztutako atributuak ditu; dokumentuko beste zatiek, berriz, baldintzapeko paragrafo estiloan definitutako atributuak dituzte.

Iradokizun-ikonoa

'Testu-gorputza' estiloa baldintzapeko estilo gisa sortu zen. Hortaz, hartatik eratortzen den edozein estilo baldintzapeko estilo modura erabili daiteke.


Testuinguruari aplikatutako paragrafo-estiloa beste formatu batzuetara (RTF, HTML, etab.) esportatzerakoan erabiltzen da.

Baldintzapeko estiloa

Markatu lauki hori estilo berri bat baldintzapeko estilo gisa definitzeko.

Testuingurua

Hemen LibreOffice aplikazioan aurrez definitutako testuinguruak ikus ditzakezu, 1etik 10erako kapitulu-mailak, 1etik 10erako zenbakitze-/bulet-mailak, taulen goiburukoa, aurkibideak, sekzioak, ertzak, oin-oharrak, goiburukoak eta orri-oinak barne.

Aplikatutako estiloak

Hemen testuinguru bati aplikatutako paragrafo-estilo guztien zerrenda ikusiko duzu.

Paragrafo-estiloak

Testuinguru bati esleitu diezazkiokezun paragrafo-estilo guztien zerrendan ikusten da zerrenda-koadro horretan.

Estilo taldeak

'Estiloak' leihoan bistara ditzakezun estilo taldeak honakoak dira.

Izena

Esanahia

Automatikoa

Uneko testuinguruari dagozkion estiloak bistaratzen ditu.

Estilo guztiak

Estilo-kategoria aktiboko estilo guztiak bistaratzen ditu.

Aplikatu estiloak

Uneko dokumentuan aplikatutako (hautatutako kategoriako) estiloak bistaratzen ditu.

Estilo pertsonalizatuak

Hautatutako estilo-kategorian dauden erabiltzaileak definitutako estilo guztiak bistaratzen ditu.

Karaktere-estiloak

Testuaren formatu-estiloak bistaratzen ditu.

Kapitulu-estiloak

Izenburuen formatu-estiloak bistaratzen ditu.

Zerrenda-estiloak

Zenbaki edo buletdun zerrenden formatu-estiloak bistaratzen ditu.

Indize-estiloak

Indizeen formatu-estiloak bistaratzen ditu.

Estilo bereziak

Goiburuko, orri-oin, oin-ohar, amaiera-ohar, taula eta epigrafeen formatu-estiloak bistaratzen ditu.

HTML estiloak

HTML dokumentuetarako estiloen zerrenda bistaratzen du.

Baldintzapeko estiloak

Erabiltzaileak definitutako baldintzapeko estiloak bistaratzen ditu.

Hierarkikoa

Hautatutako estilo-kategoriako estiloak zerrenda hierarkikoan bistaratzen ditu. Estiloak azpimailetan bistaratzeko, egin klik azpimailaren izenaren ondoko plus ikurrean (+).


Kendu

Egin klik hemen hautatutako estiloari esleitutako uneko testuingurua kentzeko.

Esleitu

Sakatu Aplikatu hautatutako paragrafo-estiloa definitutako testuinguruari aplikatzeko.

Berrezarri

Berrezarri uneko fitxan egindako aldaketak eta ezarri elkarrizketa-koadroa ireki denean aplikagarriak zirenak.

Emaguzu laguntza!