Eskema eta zenbakitzea

Paragrafoaren eskema-maila, zenbakitzea edo buletak gehitzen edo kentzen ditu. Erabiliko den zenbakitze-estiloa ere hautatu dezakezu, eta zenbakitutako zerrenda bateko zenbakitzea berrezarri.

Komando hau erabiltzeko...

Aukeratu Formatua - Paragrafoa - Eskema eta zenbakitzea fitxa.

Aukeratu Estiloak - Editatu estiloa - Eskema eta zenbakitzea fitxa (paragrafo-estiloak).

Aukeratu Ikusi - Estiloak, ireki laster-menua eta aukeratu Aldatu/Berria - Eskema eta zenbakitzea fitxa (paragrafo-estiloak).


  1. Paragrafo-estilo bera darabilten paragrafoen zenbakitze-aukerak aldatzeko, aukeratu Ikusi - Estiloak eta egin klik Paragrafo-estiloak ikonoan. Egin eskuineko klik zerrendako estiloan, aukeratu Aldatu eta egin klik Eskema eta zenbakitzea fitxan.

  2. Hautatutako paragrafoen zenbakitze-aukerak aldatzeko, aukeratu Formatua - Paragrafoa eta egin klik Eskema eta zenbakitzea fitxan.

Eskema

Eskema-maila

Eskema-maila bat esleitzen die, 1etik 10era, hautatutako paragrafoei edo paragrafo-estiloei. Hautatu Testu-gorputza eskema-maila berrezartzeko.

Zenbakitzea

Zenbakitze-estiloa

Hautatu paragrafoari aplikatuko zaion zenbakitze-estiloa. Estiloak Estiloak leihoan (F11) zerrendatzen dira Zerrenda-estiloak ikonoan klik egiten bada.

Editatu estiloa

Editatu hautatutako zenbakitze-estiloaren propietateak. Propietate horiek zenbakitze-estilo hori darabiltzen paragrafo guztiei aplikatuko zaizkie.

Botoi hau desgaituta dago kapitulu-zenbakitzea aplikatzen denean. Aukeratu Tresnak - Kapitulu-zenbakitzea... eskemaren maila eta zenbakitze-estiloa editatzeko.

Ohar-ikonoa

Eskema-maila eta zenbakitze-estiloa independenteak dira. Erabili Tresnak - Kapitulu-zenbakitzea... paragrafo-estiloei zenbakitze-estiloak esleitzeko.


Sekzio hori uneko paragrafoaren propietateak editatzean soilik agertuko da. Horretarako, aukeratu Formatua - Paragrafoa.

Hasi berriro paragrafo honetan

Zenbakitzea uneko paragrafoan berrabiarazten du.

Hasi honekin

Hautatu kontrol-lauki hori eta sartu paragrafoari esleitu nahi diozun zenbakia.

"Hasi honekin" biratze-botoia

Sartu paragrafoari esleitu nahi diozun zenbakia. Ondorengo paragrafoak elkarren segidan zenbakituko dira, hemen sartzen duzun zenbakitik hasita.

Lerro-zenbakitzea

Zehaztu Lerro-zenbakitzearen aukerak. Lerro-zenbakiak dokumentuan gehitzeko, aukeratu Tresnak - Lerro-zenbakitzea.

Sartu paragrafo hau lerro-zenbakitzean

Uneko paragrafoa lerro-zenbakitzean sartzen du.

Hasi berriro paragrafo honetan

>enbakitzea uneko paragrafoan, edo sartzen duzun zenbakian, berrabiarazten du.

Hasi honekin

Sartu lerro-zenbakitzea berriro hasiko den zenbakia

Berrezarri

Berrezarri uneko fitxan egindako aldaketak eta ezarri elkarrizketa-koadroa ireki denean aplikagarriak zirenak.

Aplikatu

Aldatutako edo hautatutako balioak aplikatzen ditu, elkarrizketa-koadroa itxi gabe.

Emaguzu laguntza!