Frame

Testu eta objektuen zutabe bat baino gehiagoren diseinua sortzeko erabil dezakezun markoa txertatzen du.

Txertatu tresna-barrako ikonoa:

Markoa marrazten du dokumentuan arrastatzen duzun lekuan. Egin klik ikonoaren ondoko gezian markorako zutabe kopurua hautatzeko.

Marko bat editatzeko, egin klik bere ertzean hura hautatzeko, eta ondoren aukeratu Formatua - Markoa eta objektua - Propietateak. Hautatutako markoaren tamaina aldatu edo mugitu dezakezu laster-tekla bereziak erabilita.

Markoak ezabatzeko, egin klik ezabatu nahi duzun markoaren ertzean eta sakatu Ezabatu tekla.

Gezi gorri txikiak ikusten badituzu markoko testuaren hasieran edo amaieran, erabili gezi-teklak gainerako testuan zehar korritzeko.

Markoa elkarrizketa-koadroko aurrebista-arean, markoa laukizuzen berdearen bidez irudikatzen da eta erreferentzi-area laukizuzen gorriaren bidez.

Efektuen aurrebista ere ikus dezakezu markoaren aingura "Karaktere gisa" jartzen duzunean. "Oinarri-lerroa" gorriz marraztuta dago, "Karakterea" letra-altuera da eta "lerroa" lerro-altuera da, markoa barne.