DokInformazioa

DokInformazioa eremuak dokumentuaren propietateei buruzko informazioa edukitzen du, esaterako dokumentua noiz sortu zen. Dokumentuaren propietateak ikusteko, aukeratu Fitxategia - Propietateak.

Komando hau erabiltzeko...

Aukeratu Txertatu - Eremua - Eremu gehiago - DokInformazioa fitxa

DocInformation eremuak dituen HTML dokumentu bat esportatzen eta inportatzen denean, LibreOffice formatu bereziak erabiltzen dira.

Mota

Eremu mota erabilgarriak zerrendatzen ditu.

Mota	Esanahia
Iruzkinak	Iruzkinak txertatzen ditu Fitxategia - Propietateak elkarrizketa-koadroko Deskribapena fitxan ezarri den moduan.
Sortze-data	Egilearen izena eta dokumentua sortu zeneko data edo ordua txertatzen ditu.
Pertsonalizatua	Fitxategia - Propietateak elkarrizketa-koadroan dagoen Propietate pertsonalizatuak fitxako propietateetako edukia txertatzen du.
Gako-hitzak	Gako-hitzak txertatzen ditu Fitxategia - Propietateak elkarrizketa-koadroko Deskribapena fitxan ezarri den moduan.
Azken inprimaketa	Egilearen izena eta dokumentua azkena inprimatu zeneko data edo ordua txertatzen ditu.
Aldatuta	Egilearen izena eta azken aldiz gorde zeneko data edo ordua txertatzen ditu.
Berrikuspen-zenbakia	Uneko dokumentuaren bertsio-zenbakia txertatzen du.
Gaia	Gaia txertatzen du Fitxategia - Propietateak elkarrizketa-koadroko Deskribapena fitxan ezarri den moduan.
Titulua	Izenburua txertatzen du Fitxategia - Propietateak elkarrizketa-koadroko Deskribapena fitxan ezarri den moduan.
Editatze-denbora guztira	Dokumentua editatzen igarotako denbora txertatzen du.

Ondorengo eremuak txertatzeko, dagokion eremu motak hautatuta egon behar du Mota zerrendan.

Hautatu

Hautatutako eremu mota baterako txertatu daitekeen informazioa zerrendatzen du.

"Sortze-data", "Aldatze-data" eta "Azken inprimaketa" eremu motentzat, dagokion eragiketaren egilea, data eta ordua gehi ditzakezu.

Formatua

Eremu bat data bat bistaratzen ari bada, orduan Formatua erabiliko da dataren, orduaren edo zenbakiaren itxura pertsonalizatzeko. Formaturik arruntenak 'Formatua' leihoan erakutsiko dira, edo egin klik 'Formatu gehigarriak' aukeran formatu pertsonalizatu bat definitzeko.

'Formatu gehigarriak' klikatzean, Zenbaki-formatua elkarrizketa-koadroa irekitzen da eta bertan formatu pertsonalizatu bat definitu daiteke .

Eduki finkoa

Eremua eduki estatiko gisa txertatzen du, hau da, eremua ezin da eguneratu.

Eduki finkoa duten eremuak horrelako eremua duen txantiloi batetik dokumentu berria sortzean bakarrik ebaluatzen da. Adibidez, eduki finkoa duen data-eremuak data txertatzen du txantiloitik dokumentu berria sortutakoan.