Dokumentua

Eremuak uneko dokumentuari buruzko informazioa sartzeko erabiltzen dira, adibidez, fitxategiaren izena, txantiloia, estatistikak, erabiltzailearen datuak, data eta ordua.

Dokumentuan eremu bat txertatzeko, lehenengo hautatu Mota, gero egin klik Hautatu zerrendan zein informazio-elementu txertatuko den aukeratzeko, eta azkenik sakatu Txertatu.

Mota

Eremu mota erabilgarriak zerrendatzen ditu.

Hautatu

Hautatutako eremu mota baterako txertatu daitekeen informazioa zerrendatzen du.

Eremu mota erabilgarriak eta hautapen-zerrendak

Mota	Hautapen-zerrenda
Egilea	Uneko erabiltzailearen izena edo inizialak ( - LibreOffice - Erabiltzaile-datuak hobespenean sartu direnak).
Kapitulua	Kapitulu-zenbakia eta/edo kapitulu-izena txertatzen ditu.
Data	Uneko data txertatzen du. Aldatzen ez den eremu finko gisa txertatu daiteke - Date (fixed) - edo automatikoki eguneratzen den eremu dinamiko gisa - Date -. Date eremua eskuz eguneratzeko, sakatu F9.
Fitxategi-izena	Uneko dokumentuaren fitxategi-izena eta/edo direktorioaren bide-izena txertatzen du, bai eta fitxategiaren izena luzapenik gabe ere.
Orrialdea	Uneko, aurreko edo hurrengo orrialdearen zenbakia txertatzen du.
Paragrafo-sinadura	Metadatu-eremu bat txertatzen du paragrafoaren sinadura digitala gordetzeko. Ziurtagiri digitala eduki behar da paragrafo bat sinatu ahal izateko.
Bidaltzailea	Erabiltzaile-datuak dituzten eremuak txertatzen ditu. Bistaratuko diren erabiltzaile-datuak aldatzeko, aukeratu - LibreOffice - Erabiltzaile-datuak.
Estatistikak	Dokumentuaren estatistikak eremu gisa txertatzen ditu, adibidez, orri- eta hitz-kopurua. Dokumentu baten estatistikak ikusteko, aukeratu Fitxategia - Propietateak eta, gero, egin klik Estatistikak fitxan.
Txantiloiak	Uneko txantiloiaren fitxategi-izena, fitxategi-luzapenik gabeko fitxategi-izena, bide-izena edo bide-izena eta fitxategi-izena txertatzen du. Uneko txantiloiaren Txantiloi-izena eta Kategoria ere txertatu daitezke.
Ordua	Uneko ordua txertatzen du. Aldatzen ez den eremu finko gisa txertatu daiteke - Time (fixed) - edo automatikoki eguneratzen den eremu dinamiko gisa - Time -. Time eremua eskuz eguneratzeko, sakatu F9.

Formatua

Eremu bat data bat bistaratzen ari bada, orduan Formatua erabiliko da dataren, orduaren edo zenbakiaren itxura pertsonalizatzeko. Formaturik arruntenak 'Formatua' leihoan erakutsiko dira, edo egin klik 'Formatu gehigarriak' aukeran formatu pertsonalizatu bat definitzeko.

'Formatu gehigarriak' klikatzean, Zenbaki-formatua elkarrizketa-koadroa irekitzen da eta bertan formatu pertsonalizatu bat definitu daiteke .

'Kapitulu-zenbakia bereizlerik gabe' aukeratzen bada kapitulu-eremu baterako, Tresnak - Kapitulu-zenbakitzea aukeran kapitulu-zenbakietarako zehaztu diren bereizleak ez dira bistaratuko.

"Kapitulu-zenbakia" aukeratzen baduzu erreferentzia-eremuentzako formatu gisa, erreferentzia egiten zaion objektua duen kapitulu-izenburuaren zenbakia bakarrik bistaratzen da eremuan. Kapitulu-izenburuarentzako paragrafo-estiloa ez badago zenbakituta, eremua hutsik egongo da.

Maila

Sartu bistaratu nahi den kapituluaren eskema-maila. Txertatutako eremuak azken paragrafotik hartutako balioa bistaratuko du, zehaztutako eskema-maila txertatutako eremuaren aurrean duela.

Desplazamendua

Sartu orrialde-zenbakiaren eremuari aplikatu nahi diozun desplazamendu-balioa, adibidez "+1".

Desplazamendua balioa 1 bada, uneko orrialde-zenbakia baino 1 gehiago den zenbaki bat bistaratuko du eremuak, baina zenbaki hori duen orrialde bat badago soilik. Dokumentuaren azken orrialdean eremu hori hutsik egongo da.

Zuzenketa egunetan/minututan

Sartu data- edo ordu-eremuan aplikatu nahi duzun zuzenketa.