Txertatu eskuzko jauzia
Eskuzko lerro-jauzia, zutabe-jauzia edo orrialde-jauzia txertatzen du kurtsorea dagoen lekuan.
Mota
Hautatu txertatu nahi duzun jauzi mota.
Lerro-jauzia
Uneko lerroa amaitzen du, eta kurtsorearen eskuinean aurkitutako testua hurrengo lerrora darama, paragrafo berria sortu gabe.
Berrabiarazte-kokalekuak zehazten du hurrengo lerroa non hasiko den lerro-jauzi baten ondoren.
Balio posibleak behekoak dira.
Jatorrizko testu-diseinua:
|
Balioa |
Formatu-markak |
Esanahia |
|---|---|---|
|
[Bat ere ez] |
|
Jarraitu uneko lerroaren ondoren. |
|
Hurrengo lerro osoa |
|
Jarraitu hurrengo lerro osoan, ainguratutako objektu guztien eta uneko lerroaren arteko ebakiduraren azpian alegia. |
|
Ezkerrean |
|
Jarraitu ezkerreko aldean blokeatu gabe dagoen hurrengo lerroan. |
|
Eskuinean |
|
Jarraitu eskuineko aldean blokeatu gabe dagoen hurrengo lerroan. |
Lerro-jauziaren balio lehenetsia 'Bat ere ez' da.
Lerro-jauzi lehenetsia txertatzeko beste modu bat ⇧+⏎ sakatzea da.
Zutabe-jauzia
Eskuzko zutabe-jauzi bat txertatzen du (zutabe anitzeko diseinuan), eta kurtsorearen eskuinean aurkitutako testua hurrengo zutabearen hasierara darama. Eskuzko zutabe-jauzia inprimatuko ez den ertz batekin adierazten da zutabe berriaren goialdean.
Zutabe-jauzi bat txertatzeko, sakatu ⌘Ctrl+⇧+⏎
Orrialde-jauzia
Eskuzko orrialde-jauzia txertatzen du, eta kurtsorearen eskuinera dagoen testua hurrengo orrialdearen hasierara eramaten du. Txertatutako orrialde-jauzia adierazteko, orrialde berriaren goian ez inprimatzeko ertza jartzen da.
Orrialde-jauzi bat txertatzeko beste modu bat ⌘Ctrl+⏎ erabiltzea da. Hala ere, hurrengo orrialdeari beste orrialde-estilo bat esleitu nahi bazaio, menu-komandoa erabili behar da orrialde-jauzia eskuz txertatzeko.
Orrialde-estiloa
Hautatu eskuzko orrialde-jauziaren ondoren datorren orriaren orri-formatua.
Orientazio horizontala eta bertikala txandakatzeko, aukeratu Orrialde-estilo lehenetsia orientazio bertikala aplikatzeko edo Horizontala estiloa orientazio horizontala aplikatzeko.
Aldatu orrialde-zenbakia
Zuk zehaztutako orrialde-zenbakia esleitzen dio eskuzko orrialde-jauziaren ondoren dagoen orrialdeari. Aukera hori erabilgarri egongo da beste orrialde-estilo bat esleitzen badiozu eskuzko orrialde-jauziari jarraituko dion orrialdeari.
Orrialde-zenbakia
Sartu eskuzko orrialde-jauziaren ondoren datorren orriaren zenbakia.
