Nabigatzailea

Nabigatzailea erakutsi edo ezkutatzen du, dokumentuko alde batetik bestera modu azkarrean mugitu ahal izateko. Alboko barrako panel modura ere badago nabigatzailea. Uneko dokumentuko edo irekitako beste dokumentu batzuetako elementuak txertatzeko eta dokumentu maisuak antolatzeko erabili daiteke nabigatzailea. Nabigatzailean elementu bat editatzeko, egin klik eskuineko botoiarekin elementuan eta aukeratu laster-menuko komando bat. Nahi izanez gero, nabigatzailea laneko arearen ertzean atrakatu daiteke.

Komando hau erabiltzeko...

Aukeratu Ikusi - Nabigatzailea.

Estandarra barran, sakatu

Ikonoa

Aktibatu/desaktibatu nabigatzailea


Nabigatzailea irekitzeko, aukeratu Ikusi - Nabigatzailea (F5). Nabigatzailea mugitzeko, arrastatu bere titulu-barra. Nabigatzailea atrakatzeko, arrastatu bere titulu-barraren laneko arearen ezkerreko, beheko edo eskuineko ertzera. Nabigatzailea desatrakatzeko, eutsi sakatuta teklari eta egin klik bikoitza nabigatzaileko area grisean.

Egin klik kategoria baten alboko hedagailuan, nabigatzailean, kategoria horretako elementuak bistaratzeko. Kategoria bateko elementu kopurua ikusteko, kokatu saguaren erakuslea kategoriaren gainean. Dokumentu bateko elementu batera joateko, egin klik bikoitza nabigatzaileko elementuan.

Dokumentu bateko aurreko edo hurrengo elementura joateko, erabili Nabigatu koadroa elementu-kategoria hautatzeko, eta egin klik gorako edo beherako gezietan.

Nabigatzaileak edizio-kokalekuari dagokiona erakusten du nabigazio-ikuspegian. Kategoria desberdinetakoa izan daiteke: izenburuak, taulak, hiperestekak... "Edukien nabigazio-ikuspegia" botoia sakatuta badago eta izenburuak hautatuta badaude, uneko edizio-kokalekuari dagokion izenburua bistaratuko eta nabarmenduko da nabigatzailean; taulak hautatzen badira, taula bistaratuko da; eta abar. Elementua geruza tolestu batean badago, bere gaineko geruzak automatikoki hedatuko dira eta hedatuta mantenduko dira.

Nabigatu

Erabili hautapen-koadroa zein elementu motan nabigatuko den, 'Aurrekoa' eta 'Hurrengoa' botoiak erabiltzean.

Aurrekoa

Dokumentuko aurreko elementura jauzi egiten du. Zein elementu motatara egingo den jauzi zehazteko, egin klik Nabigatu zerrendan eta, ondoren, egin klik kategoria batean, adibidez "Irudiak" kategorian.

Aurreko objektua ikonoa

Aurreko elementua

Hurrengoa

Dokumentuko hurrengo elementura jauzi egiten du. Zein elementu motatara egingo den jauzi zehazteko, egin klik Nabigatu zerrendan eta, ondoren, egin klik kategoria batean, adibidez "Irudiak" kategorian.

Hurrengo objektua ikonoa

Hurrengo elementua

Orrialde-zenbakia

Idatzi zein orrialde-zenbakira joan nahi den, eta sakatu ⏎ tekla.

Edukien nabigazio-ikuspegia

Nabigatzaileko kategoria guztien eta hautatutako kategoriaren artean txandakatzen da.

Laster-menuek laguntza-orri honetan dauden komandoetako batzuk erabiltzen dituzte. Laster-menuetako komandoak aldatu egiten dira hautatutako kategoriaren edo elementuaren arabera.

Txandakatu edukien nabigazio-ikuspegia ikonoa

Txandakatu edukien nabigazio-ikuspegia

Ikonoa

Kategoria

Laster-menua

Izenburuak ikonoa

Izenburuak

Tolestu/Hedatu dena, Bidali eskema arbelera, Eskema tolestea, Eskemaren segimendua, Eskema-maila

Izenburu-elementua

Tolestu/Hedatu dena, Joan, Hautatu, Ezabatu, Jaso kapitulua, Jaitsi kapitulua, Jaso maila, Jaitsi maila, Eskema-edukiaren ikusgaitasuna, Eskemaren segimendua, Eskema-maila

Taulak ikonoa

Taulak

Taula-elementuak

Joan, Hautatu, Editatu, Ezabatu, Aldatu izena

Markoak ikonoa

Markoak

Irudiak ikonoa

Irudiak

OLE objektuak ikonoa

OLE objektuak

Laster-markak ikonoa

Laster-markak

Markoa, irudia, OLE objektuak, laster-marken elementuak

Joan, Editatu, Ezabatu, Aldatu izena

Sekzioak ikonoa

Sekzioak

Sekzio-elementuak

Joan, Hautatu, Editatu, Aldatu izena

Hiperestekak ikonoa

Hiperestekak

Hiperesteka-elementuak

Joan, Editatu, Ezabatu, Aldatu izena

Erreferentziak ikonoa

Erreferentziak

Indizeak ikonoa

Indizeak

Erreferentziak, Indize-elementuak

Joan

Iruzkinak ikonoa

Iruzkinak

Erakutsi dena, Ezkutatu dena, Ezabatu dena

Iruzkin-elementuak

Joan, Editatu, Ezabatu

Marrazkiak ikonoa

Marrazki-objektuak

Marrazki-objektuen elementuak

Joan, Ezabatu, Aldatu izena

Dena

Arrastatze-modua, Bistaratzea


note

Dokumentuko ezkutuko sekzioak gris kolorean ageri dira nabigatzailean, eta "ezkutua" testua bistaratzen da sagua sekzioaren gainean kokatzen denean. Portaera bera izaten da dokumentuan erabiltzen ez diren orrialde-estiloen goiburukoei eta orri-oinei, eta baita tauletako, markoetako, grafikoetako, OLE objektuetako eta indizeetako ezkutuko edukiei ere.


Txandakatu maisu-ikuspegia

Maisu-ikuspegiaren eta ikuspegi normalaren artean txandakatzen da dokumentu maisua irekita badago.

Txandakatu ikuspegi maisua ikonoa

Txandakatu maisu-ikuspegia

Goiburukoa

Kurtsorea goiburukora edo goiburukotik dokumentuko testu-areara eramaten du.

Goiburukoa ikonoa

Goiburukoa

Orri-oina

Kurtsorea orri-oinera edo orri-oinetik dokumentuko testu-areara eramaten du.

Orri-oina ikonoa

Orri-oina

Aingura <-> Testua

Oin-oharreko testuaren eta oin-oharreko ainguraren artean jauzi egiten du.

Aingura <-> Testua ikonoa

Aingura <-> Testua

Ezarri abisua

Egin klik ikono horretan kurtsorea dagoen lekuan abisua ezartzeko. Bost abisu txerta ditzakezu gehienez. Abisu batera joateko, egin klik Nabigazioa ikonoan. Nabigazioa leihoan egin klik Abisua ikonoan, eta ondoren, egin klik Aurrekoa edo Hurrengoa botoian.

Ezarri abisua ikonoa

Ezarri abisua

note

Abisuen arteko nabigazioa haiek ezarri diren ordenaren araberakoa da. Abisuak ez dira gordetzen dokumentua ixten denean.


Eskema-maila

Eskema-maila ikonoa

Eskema-maila

Egin klik ikono horretan eta aukeratu 'Nabigatzailea' leihoan ikusi nahi duzun kapitulu-mailen kopurua. Komando hori atzitzeko, 'Nabigatzailea' leihoko izenburuan klik egin dezakezu eskuineko botoiaz.

1-10

Sakatu 1 goi-mailako izenburuak (kapitulu-izenburuak) bakarrik ikusteko 'Nabigatzailea' leihoan, eta 10 izenburu guztiak ikusteko.

Zerrenda-koadroa

Nabigatzaile zerrenda erakusten edo ezkutatzen du.

Aktibatu/desaktibatu zerrenda-koadroa ikonoa

Aktibatu/desaktibatu zerrenda-koadroa

Jaso maila

Hautatutako izenburuaren eta haren azpian dauden izenburuen eskema-maila unitate batean igotzen du. Hautatutako izenburuaren eskema-maila soilik igotzeko, eutsi sakatuta teklari eta egin klik ikono honetan.

Jaso maila ikonoa

Jaso maila

Jaitsi maila

Hautatutako izenburuaren eta haren azpian dauden izenburuen eskema-maila unitate batean jaisten du. Hautatutako izenburuaren eskema-maila soilik jaisteko, eutsi sakatuta teklari eta egin klik ikono honetan.

Jaitsi maila ikonoa

Jaitsi maila

Jaso kapitulua

Hautatutako izenburua eta haren azpian dagoen testua posizio bat igotzen du nabigatzailean eta dokumentuan. Hautatutako izenburua soilik igotzeko, eta ez hari lotutako testua, eutsi sakatuta eta egin klik ikono honetan.

Kapitulua gora ikonoa

Kapitulua gora

Jaitsi kapitulua

Hautatutako izenburua eta haren azpian dagoen testua posizio bat jaisten du nabigatzailean eta dokumentuan. Hautatutako izenburua soilik jaisteko, eta ez hari lotutako testua, eutsi sakatuta eta egin klik ikono honetan.

Kapitulua behera ikonoa

Kapituluaren maila jaitsi

tip

Dokumentuko izenburuak eta horiekin zerikusia duen testua azkar ordenatzeko, hautatu "Izenburuak" kategoria zerrendan, eta egin klik Edukiaren ikuspegia ikonoan. Orain, arrastatu eta jaregin erabil dezakezu edukia ordenatzeko.


Arrastatze modua

Arrastatu eta jaregiteko aukerak ezartzen ditu nabigatzaileko elementuak dokumentuan txertatzeko, adibidez, hiperesteka gisa. Egin klik ikono horretan eta aukeratu erabili nahi duzun aukera.

Arrastatze modua ikonoa

Arrastatze modua

Txertatu hiperesteka gisa

Hiperesteka sortzen du elementu bat uneko dokumentura arrastatu eta jaregiten duzunean. Egin klik dokumentuko hiperestekan hiperesteka horrek seinalatzen duen elementura joateko.

Txertatu esteka gisa

Hautatutako elementua esteka gisa txertatzen du uneko dokumentura arrastatu eta jaregiten duzunean. Testua babestutako sekzio gisa txertatzen du. Estekaren edukia automatikoki eguneratzen da iturburua aldatzen denean. Dokumentuko estekak eskuz eguneratzeko, aukeratu Tresnak - Eguneratu - Estekak. Ezin dituzu grafiko, OLE objektu, erreferentzia eta indizeentzako estekak sortu.

Txertatu kopia gisa

Hautatutako elementuaren kopia txertatzen du uneko dokumentura arrastatu eta jaregiten duzunean. Ezin dituzu grafiko, OLE objektu, erreferentzia eta indizeen kopiak arrastatu eta jaregin.

Ireki dokumentuak

Irekitako testu-dokumentu guztien izenak zerrendatzen ditu. Nabigatzailea leihoan dokumentu baten edukia ikusteko, hautatu dokumentuaren izena zerrendan. Nabigatzailean bistaratzen den uneko dokumentuari "aktibo" jartzen zaio zerrendan, izenaren ondoan.

Nabigatzaileko elementu batean eskuineko botoiaz klik egin dezakezu. Ondoren, aukeratu Bistaratu eta egin klik ikusi nahi duzun dokumentuan.

Eskemaren segimendua

Ezarri nabigatzailearen modua eskemaren segimenduaren moduan. Eginbide hori nabigatzaileko eduki-bistako Izenburuak ataleko sarrerei soilik aplikatzen zaizkie. Modua ikusi, gaitu edo aldatzeko, egin eskuineko klik Izenburuak aukeran edo horren azpan dagoen elementu batean eta aukeratu Eskemaren segimendua. Hautatutako modua dokumentu osoari aplikatuko zaio.

Lehenetsia eta Fokua moduetan, nabigatzaileak automatikoki hautatuko du kurtsoreak dokumentuan duen kokagunetik hurbilen dagoen izenburua.

Lehenetsia moduan, eskema-sarreren bistaratzea ez da inoiz aldatuko nabigatzailean, eskema-sarrera bat bakarrik hautatuko da.

Fokua moduan, nabigatzaileak eskema-mailen izenburu hautatuak soilik erakutsiko ditu, hurrengo eskema-maila altuagoarekiko. Adibidez, 2. mailako izenburu bat badago hautatuta, 1. izenburuko maila berean dauden 2. izenburu guztiak erakutsiko dira, baina 3-10. izenburuko mailak (1. izenburuko maila berekoak) tolestuta egongo dira. Beste izenburuak ere, 1. izenburuko maila berean ez badaude, tolestuta egongo dira.

Aukeratu Desaktibatu eskemaren segimendua desgaitzeko.

Emaguzu laguntza!