Diapositiba

Menu honek diapositiben kudeaketarako eta nabigaziorako komandoak ditu.

Diapositiba berria

Diapositiba bat txertatzen du unean hautatutako diapositibaren ondoren.

Bikoiztu diapositiba

Unean hautatutako diapositibaren kopia bat sortzen du.

Txertatu diapositiba fitxategitik

Beste aurkezpen bateko diapositibak uneko aurkezpenean txerta ditzakezu. Diapositibak aurkezpenen artean kopiatu eta itsatsi ere egin ditzakezu.

Diseinua

Diapositiba-diseinuak dituen azpimenu bat irekitzen du.

Ezabatu diapositiba

Hautatutako diapositiba(k) ezabatzen d(it)u.

Gorde atzeko planoko irudia

Diapositibak atzeko planoko irudi bat badu, aukera honen bidez erabiltzaileak atzeko planoari dagokion irudi-fitxategia gorde dezake.

Ezarri atzeko planoko irudia

Fitxategien aukeratzaile bat irekitzen du, irudi-fitxategi bat hautatu eta uneko diapositibaren atzeko planoan ezartzeko.

Diapositiba-propietateak

Diapositibaren orientazioa, marjinak, atzeko planoa eta beste diseinu-aukera batzuk ezartzen ditu.

Aldatu diapositiba maisua

Diapositiba maisu erabilgarriak elkarrizketa-koadroa bistaratzen du, uneko diapositibaren diseinu-eskema bat aukeratu ahal izateko. Diapositiba-diseinuko objektu guztiak uneko diapositibako objektuen atzean txertatuko dira.

Maisu berria

Diapositiba maisu berria sortzen du. Funtzio hau maisu-ikuspegian soilik dago erabilgarri.

tip

Maisu-ikuspegian sartzeko, aukeratu Ikusi - Diapositiba maisua. Maisu-ikuspegitik irteteko, aukeratu Ikusi - Normala.


Ezabatu maisua

Unean hautatutako maisuaren ikuspegia ezabatzen du. Funtzio hau maisu-ikuspegian soilik dago erabilgarri.

Atzeko plano maisua

Aukera hau erabilita, diapositiba maisuan definitutako atzeko planoko irudia erakutsi edo ezkutatu daiteke.

Objektu maisuak

Aukera hau erabilita, diapositiba maisuan definitutako objektua erakusti edo ezkutatu daitezke.

Elementu maisuak

Elkarrizketa-koadro bat bistaratzen du diapositiba maisuko honako elementuak gaitu edo desgaitzeko:

Erakutsi diapositiba

Diapositiba bat ezkutuan badago, funtzio hau erabilita ikusgai jarri daiteke.

Ezkutatu diapositiba

Diapositiba bat ikusgai badago, funtzio hau erabilita ezkutatu egin daiteke.

Aldatu diapositibaren izena

Elkarrizketa-koadro bat irekitzen du uneko diapositibari izen bat eman ahal izateko.

Joan editatutako azken diapositibara

Dokumentuan editatutako azken diapositibara doa.

Aldatu lekuz

Uneko diapositibari aplikatu ahal zaizkion lekualdatze-eragiketen zerrenda bat erakusten du:

Nabigatu

Diapositibaz diapositiba joateko erabili daitezkeen funtzioen zerrenda bat erakusten du:

Laburpen-diapositiba

Hautatutako diapositibaren ondoren datozen diapositiben tituluen zerrenda ordenatu gabea duen diapositiba berria sortzen du. Laburpen-diapositiba azken diapositibaren atzean txertatuko da.

Zabaldu diapositiba

Diapositiba berria sortzen du goiko maila bakoitzeko eskema-puntutik (eskema-hierarkiako titulu-testuaren azpiko testua) hautatutako diapositiban. Eskema-testua diapositiba berriaren titulu bihurtzen da. Jatorrizko diapositibako goiko mailaren azpiko eskema-puntuak maila bat igotzen dira diapositiba berrian.

Diapositiba-trantsizioa

Diapositiba-aurkezpenean diapositibak bistaratzean erreproduzitzen den efektu berezia definitzen du.

Emaguzu laguntza!