Kolore, gradiente eta itzaleztaduren zerrendak kargatzea

Zerrendak erabil ditzakezu koloreak, gradienteak edo itzaleztadura-ereduak antolatzeko. LibreOffice aplikazioak hainbat zerrenda eskaintzen ditu, eta horiek dokumentuan kargatu eta erabil ditzakezu. Nahi baduzu, elementuak zerrendan gehitu edo handik ken ditzakezu, eta zerrenda pertsonalizatuak ere sor ditzakezu.

Kolore-zerrenda kargatzeko:

  1. Aukeratu Formatua - Area eta egin klik Koloreak fitxan.

  2. Egin klik Kargatu kolore-zerrenda botoian.

  3. Lokalizatu kargatu nahi duzun kolore-zerrenda eta sakatu Ireki. Kolore-zerrendaren fitxategiak formatu hau du: [filename].soc.

Kolore-zerrenda gordetzeko, egin klik Gorde kolore-zerrenda botoian, idatzi fitxategi-izena eta sakatu Gorde.

freieFarbe HLC kolore-zerrenda CIELAB ereduan oinarrituta dago eta CMYK inprimaketa profesionalerako optimizatuta dago. Bateragarritasun-zerrendan eta HTML zerrendan dauden koloreak 256 koloreko bereizmena duten monitoreetarako optimizatuta daude. “LibreOffice” eta “Material” paletek LibreOffice paleta ofiziala eta Material Design paleta dituzte, hurrenez hurren. Aldiz, tonal.soc paletak luminantzia-kontrastearen arabera antolatutako koloreen multzo bat eskaintzen du, hardware desberdin askotan ongi funtzionatzen duena.

Gradiente-zerrenda kargatzeko:

  1. Aukeratu Formatua - Area eta egin klik Gradienteak fitxan.

  2. Egin klik Kargatu gradiente-zerrenda botoian.

  3. Lokalizatu kargatu nahi duzun gradiente-zerrenda eta sakatu Ireki. Gradiente-zerrendaren fitxategiak formatu hau du: [filename].sog.

Gradiente-zerrenda gordetzeko, egin klik Gorde gradiente-zerrenda botoian, idatzi fitxategi-izena eta sakatu Gorde.

Itzaleztaduren zerrenda kargatzeko:

  1. Aukeratu Formatua - Area eta egin klik Itzaleztadura fitxan.

  2. Egin klik Kargatu itzaleztaduren zerrenda botoian.

  3. Lokalizatu kargatu nahi duzun itzaleztaduren zerrenda eta sakatu Ireki. Itzaleztaduren zerrendaren fitxategiak formatu hau du: [filename].soh.

Itzaleztaduren zerrenda gordetzeko, egin klik Gorde itzaleztaduren zerrenda botoian, idatzi fitxategi-izena eta sakatu Gorde.

Formatua - Area

Marra- eta gezi-estiloak kargatzea

Emaguzu laguntza!