Fluxu-diagramak sortzea

Fluxu-diagrama sortzeko:

1. Hautatu tresna bat Marrazkia barrako Fluxu-diagrama tresna-barratik.

2. Arrastatu forma bat diapositiban.

3. Forma gehiago gehitzeko, errepikatu azken urratsak.

4. Ireki Marrazkia barrako Lotura-marrak tresna-barra eta hautatu lotura-marra bat.

5. Pasa erakuslea formaren ertzaren gainetik lotura-guneak ager daitezen.

6. Egin klik lotura-gunean, arrastatu beste forma bateko lotura-gunera eta askatu.

7. Lotura-marra gehiago gehitzeko, errepikatu azken urratsak.

Orain oinarrizko eskema duzu fluxu-diagramarentzat.

Fluxu-diagramako formei testua gehitzeko

Egin ekintza hauetako bat:

• Egin klik bikoitza forman eta idatzi edo itsatsi testua.

• Egin klik Marrazkia barrako Testua ikonoan, eta arrastatu testu-objektua formaren gainera. Idatzi edo itsatsi testua testu-objektuan.

Formari kolore-betegarria gehitzeko:

1. Hautatu forma eta aukeratu Formatua - Area.

2. Hautatu Kolorea eta egin klik zerrendako kolore batean.

Beste diapositiba batzuei deitzen dien gune interaktiboak gehitzeko:

Esleitu interakzioak diapositibako objektu batzuei.

1. Hautatu objektua eta aukeratu Diapositiba-aurkezpena - Interakzioa.

2. Hautatu interakzio bat elkarrizketa-koadroan. Adibidez, hautatu hurrengo diapositibara joatea erabiltzaileak objektuan klik egitean.