'Animazioa' panela

Hautatutako objektuei efektuak esleitzen dizkie.

Animazio-zerrenda

Animazio-zerrendak uneko diapositibako animazio guztiak bistaratzen ditu.

• Diapositiba bakoitzak animazio nagusi bat dauka, eta diapositiba erakustean exekutatzen da.

• Animazio gehiago ere egon daitezke, eta forma bat erakustean exekutatzen dira. Animatutako forma horietako bat baldin badago, animazio-zerrendaren beheko erdian zerrendatzen dira. Fitxek animazioa exekutatzen duten forma bakoitzaren izena bistaratzen dute.

Zerrenda-sarrera bakoitzak honako bi errenkadak ditu:

• Sarreraren lehen errenkadak sagu-ikono bat erakutsiko du animazioa saguaren klik baten bidez hasten bada, eta erloju bat animazioa aurreko animazioa amaitu ondoren hasten bada. Formaren izena animazio-efekturako eta animatutako testuaren lehen karaktereak.

• Bigarren errenkadan ikono batek animazio-efektua erakusten du, eta horren jarraian efektuaren kategoria eta izena erakusten dira.

Gehitu

Beste animazio-efektu bat eransten dio diapositiban hautatutako objektuari.

Kendu

Hautatutako animazio-efektuak kentzen ditu animazio-zerrendatik.

Aldatu ordena

Egin klik botoi batean hautatutako animazio-efektua zerrendan gora edo behera mugitzeko.

Kategoria

Hautatu animazio-efektuen kategoria bar. Honako kategoriak daude:

• Sarrera: Hautatu sarrera-efektu bat efektuen zerrendan.
• Enfasia: Hautatu enfasi-efektu bat efektuen zerrendan.
• Irteera: Hautatu irteera-efektu bat efektuen zerrendan.
• Ibilbideak: Hautatu ibilbide bat efektuen zerrendan.

Efektua

Hautatu animazio-efektu bat.

Hasi

Hautatutako animazio-efektua noiz hasiko den bistaratzen du. Honako hasiera-aukerak daude:

• Klik egitean - animazioa efektu horretan gelditzen da saguarekin berriro klik egin arte.

• Aurrekoarekin - animazioa berehala exekutatzen da.

• Aurrekoaren ondoren - aurreko animazioa amaitu bezain laster exekutatzen da animazioa.

Propietateak: norabidea, kantitatea, kolorea, betegarri-kolorea, tamaina, lerro-kolorea, letra-tipoa, letra-tipoaren tamaina, letra-tipoaren familia

Animazioaren propietate gehigarriak hautatzen ditu. Egin klik ... botoian Efektu-aukerak elkarrizketa-koadroa irekitzeko. Hor propietateak hautatu eta aplika ditzakezu.

Iraupena

Hautatutako animazio-efektuaren iraupena zehazten du.

Atzerapena

Animazioa denbora kopuru hau atzeratuta hasiko da.

Aurrebista automatikoa

Hautatu efektu berrien edo editatutako efektuen aurrebista erakustea haiek esleitzen dituzunean.

Erreproduzitu

Hautatutako animazio-efektua aurrebistan erreproduzitzen du.