Kalkulu xeheen ezarpenak

Kate-balioak zenbakizko balio, gelaxka-erreferentzia edo daten/orduen balio bihurtzeko arauak ezartzen ditu. Horrek eragin zuzena du barne-funtzioetan, esaterako erreferentzia bat kate-balio gisa hartzen duen INDIRECT funtzioan, edo argumentuak ISO 8601 formatuan edo formatu lokaletan dauden kate-balio gisa hartzen duten daten/orduen funtzioetan.

Edukiak zenbakietara

Testua zenbaki bihurtzea

Nola tratatu testua eragiketa aritmetiko baten eragigai modura aurkitze denean edo zenbaki bat espero duen funtzio baten argumentu gisa aurkitzean. Anbiguoa ez den bihurketa posible da osoko zenbakiak direnean, baita berretzaileak eta ISO 8601 datak eta orduak haien formatu hedatuetan (banatzaileekin) direnean ere. Dezimalen banatzaileak dituzten zatikiak edo ISO 8601 arautik kanpoko datak eskualde-ezarpenaren mendekoak dira. Kontuan izan eskualde-ezarpenaren mendeko bihurketetan, emaitzatzat emango den zenbakizko balioa desberdina izan daitekeela eskualde-ezarpenaren arabera!

Sortu #BALIOA! errorea: Zenbakizko datuak espero direnean testua aurkitzen bada, #BALIOA! errorea sortuko da. Adibidea: "123,45" balioak #BALIOA! errorea emango du, baina 123,45 balioak ez.

Tratatu zero gisa: Zenbakizko datuak espero diren edozein tokitan aurkitutako edozein testu zero balioa duen zenbakitzat hartuko da. Adibidea: "123,45" zerotzat hartuko da, eta 123,45 ez.

Gauzatu bihurketa testua anbiguoa ez bada soilik: Testuak baliozkoa den eta anbiguoa ez den zenbakizko balio bat ordezkatzen badu, gauzatu bihurketa. Adibidea: "123.456" kateak #BALIOA! errorea sortuko du testuak bereizle bat duelako, baina "123456" kateak ez du errorerik sortuko.
Ikusi Testua zenbaki bihurtzea xehetasun gehiagorako.

Bihurtu eskualde-ezarpenaren mendekoak ere bai: Eskualde-ezarpenaren ondorioz baliozkoak diren balioak bihurtzen ditu. Adibidea: "123,45" balioa baliozko zenbaki bat da zenbait eskualde-ezarpenetan, koma dezimalak bereizten dituen elementua baita.

Kate hutsa zerotzat hartu

Aukera honek kate huts bat eragiketa aritmetikoetan nola tratatzen den zehazten du. "Testua zenbaki bihurtzea" ezarpenean "Sortu #BALIOA! errorea" edo "Tratatu zero gisa" ezarri baduzu, ezin duzu hautatu (hemen) kate huts bat zenbaki batera bihurtzeak errore bat sortuko duen edo kate hutsak zero gisa tratatuko dituen. Bestela, aukera honek kate hutsak nola tratatuko diren zehazten du.

Erreferentzia-sintaxia kateen erreferentziarako

Kate-parametroetan emandako erreferentziak analizatzean erabili beharreko formula-sintaxia. Horrek eragina du erreferentzia bat kate-balio gisa hartzen duten barneko funtzioetan, esaterako INDIRECT funtzioan.

• Erabili formula-sintaxia

• Calc A1

• Excel A1

• Excel R1C1

• Calc A1 | Excel A1

Aplikatu ezarpen horiek uneko dokumentuari soilik

Markatu kontrol-lauki hau ezarpenak dokumentuari soilik aplikatzeko.