LibreOffice 24.2 laguntza
Erabiltzaileak definitutako zerrenda guztiak bistaratuko dira Ordenatze-zerrendak elkarrizketa-koadroan. Zeure zerrendak definitu eta editatu ahal izango dituzu. Ordenatze-zerrenda gisa testuak erabil daitezke soilik, eta ez zenbakiak.
Zerrenda erabilgarri guztiak bistaratzen ditu. Zerrenda horiek editatu egin daitezke.
Unean hautatutako zerrendaren edukia bistaratzen du. Eduki hori editatu egin daiteke.
Kalkulu-orria eta kopiatu beharreko gelaxkak definitzen ditu, Zerrendak koadroan sartu beharrean. Kalkulu-orrian unean hautatutako barrutia da lehenetsia.
Kopiatu zerrenda hemendik koadroko gelaxken edukia kopiatzen du. Erlazionatutako errenkada eta zutabeen erreferentzia bat hautatzen baduzu, Kopiatu zerrenda elkarrizketa-koadroa agertzen da botoia sakatu ondoren. Elkarrizketa-koadro hau erabil dezakezu erreferentzia errenkadaka edo zutabeka zerrenda bihurtuko den definitzeko.
Zerrenda berri baten edukia sartzen du Sarrerak koadroan. Botoi hau aldatu egingo da: Berria zena Baztertu bihurtuko da eta zerrenda berria ezabatzeko aukera emango dizu.
Zerrenda berri bat gehitzen dio Zerrendak koadroari. Zerrenda hau editatu nahi baduzu Sarrerak koadroan, Gehitu botoia Aldatu bihurtuko da eta aldatutako zerrenda berria sartu ahal izango duzu.