Kudeatu txantiloiak

'Txantiloi-kudeatzailea' elkarrizketa-koadroak txantiloiak erraz kudeatzea ahalbidetzen du eta dokumentu berriak txantiloietatik abiatuta sortzeko balio du.

Komando hau erabiltzeko...

Aukeratu Fitxategia - Berria - Txantiloiak menua.

Aukeratu Fitxategia - Txantiloia - Kudeatu txantiloiak menua.

Sartu +Shift+N edozein LibreOffice modulutan.

Sakatu Txantiloiak botoia hasiera-zentroan.

Hautatu edozein txantiloi mota hasiera-zentroko Txantiloiak botoiarekin.


Txantiloiek edizio-denbora aurrezten laguntzen dute, dokumentu berriak aurretiaz edukiz beteta eta formateatuta irekitzen baitituzte. 'Txantiloi-kudeatzailea' aukerak LibreOffice aplikazioko txantiloiak atzitzen eta antolatzen laguntzen du.

LibreOffice aplikazioak hainbat txantiloi ditu dokumentuak, aurkezpenak, kalkulu-orriak eta marrazkiak egiteko. Txantiloi-kudeatzailean dauden txantiloiak erabili ditzakezu, zure txantiloi propioak sortu ditzakezu, edo Interneten bilatu ditzakezu txantiloi gehiago.

Leiho nagusia - Txantiloi-aukerak

Txantiloi erabilgarrien aurrebistak leiho nagusian erakutsiko dira, zure bilaketak eta iragazki-aukerak kontuan hartuta. Egin klik bikoitza edozein txantiloi-ikonotan, txantiloiaren edukiak eta formatua izango duen dokumentu berria irekitzeko.

Aukeratu Miniatura-ikuspegia edo Zerrenda-ikuspegia, goian eskuinean, txantiloiak nola bistaratuko diren aldatzeko.

Miniatura-ikuspegia ikonoa

Miniatura-ikuspegia

Zerrenda-ikuspegia ikonoa

Zerrenda-ikuspegia

note

Nire txantiloiak kategorian beste karpeta bateko txantiloiak erakusteko, aukeratu LibreOffice - Bide-izenak, hautatu Txantiloiak, sakatu Editatu, ondoren sakatu Gehitu elkarrizketa-koadro bat irekitzeko eta gehituko den karpeta hautatzeko.


Bilatu

Goiko ezkerreko bilaketa-koadroan testu bat sartuta, txantiloien artean bilaketak egin daitezke. Aurkitutako txantiloiak leiho nagusian erakutsiko dira.

Iragazi

Aplikazio guztiak, dokumentuak, kalkulu-orriak, aurkezpenak edo marrazkiak iragazi daitezke, goian erdian dagoen goitibeherako koadroko aukera bat hautatuta. Leiho nagusiak iragazitako txantiloiak bistaratuko ditu.

Kategoriak

Kategoriak txantiloiak antolatzeko erabiltzen diren karpetak dira. Kategoria lehenetsiak erabili daitezke: 'Txantiloiak', 'Posta komertziala', 'MediaWiki', 'Beste dokumentu komertzial batzuk', 'Posta eta dokumentu pertsonalak', 'Aurkezpenak' edo 'Estiloak'. Kategoria berriak ere sortu daitezke erabilera pertsonalerako. Kategoria berri bat sortzeko, erabili txantiloi-kudeatzailearen Tresnak ikonoa.

note

Ez dira onartzen beste kategoria batzuen barruko kategoriak


Tresnak

Egin klik Tresnak ikonoan 'Tresnak' menua irekitzeko. Aukerak honakoak dira: 'Kategoria berria', 'Aldatu kategoriaren izena', ' Ezabatu kategoria' eta 'Freskatu'. Aplikazio baten txantiloi lehenetsia aldatu bada eta jadanik ez bada hasierako ezarpen lehenetsikoa, beste aukera bat ere agertuko da: 'Berrezarri txantiloi lehenetsia'. Hori erabilita, aplikazio baten txantiloi lehenetsia berrezarri daiteke hasierako lehenespenera itzuli dadin.

Tresnak ikonoa

'Tresnak' ikonoa

Mugitu

Txantiloiak beste kategoria batera eraman nahi badira, aukeratu txantilioa edo erabili +klik txantiloi gehigarriak hautatzeko, eta ondoren sakatu behean eskuinean dagoen Mugitu botoia elkarrizketa-koadro bat ireki eta haren bidez hautapena beste kategoria batera edo kategoria berri batera eramateko. Txantiloi lehenetsiak ezin dira lekuz aldatu, baina haien kopiak sortu daitezke beste kategoria batzuetan.

Esportatu

Aukeratu txantiloi bat leiho nagusian edo erabili +klik txantiloi gehigarriak hautatzeko, eta ondoren sakatu behean eskuinean dagoen Esportatu botoia hautapen zure ordenagiluko karpeta batera esportatzeko.

Esportatu ikonoa

'Esportatu' botoia

tip

Kategoria batean dauden txantiloi guztiak lekuz aldatzeko edo esportatzeko, sakatu +A eta aukeratu Mugitu edo Esportatu.


Inportatu

Txantiloi bat edo gehiago txantiloi-kudeatzailera inportatu edo mugitzeko, sakatu beheko eskuineko Inportatu botoia, aukeratu inportatutako txantiloiak hartuko dituen kategoria eta, ondoren, hautatu inportatuko diren fitxategiak.

Inportatu ikonoa

'Inportatu' botoia

Hedapenak

Txantiloi gehiago arakatu nahi badituzu, egin klik behean eskuinean dagoen 'Hedapenak' botoian bilaketa-leiho bat irekitzeko. https://extensions.libreoffice.org gunera ere joan zaitezke txantiloiak bilatzeko.

Hedapenak ikonoa

'Hedapenak' ikonoa

Ekintzak banakako txantiloiekin

Ireki

Hautatu leiho nagusiko txantiloi bat eta sakatu saguaren eskuineko botoia, eta ondoren hautatu 'Ireki', sakatu 'Enter' edo egin klik bikoitza, txantiloi hori erabiliko duen dokumentu berria irekitzeko.

Behean ezkerrean dagoen Ireki botoia ere erabili daiteke hautatutako txantiloia erabilita dokumentu berria irekitzeko.

Editatu

Hautatu leiho nagusiko txantiloi bat eta sakatu saguaren eskuineko botoia, eta ondoren aukeratu 'Editatu' txantiloia editatzeko. Funtzio hori aplikazioaren barruan integratuta ez dauden txantiloiekin soilik erabil daiteke.

Ezarri lehenetsi gisa

Hautatu txantiloi bat leiho nagusian, egin eskuineko klik eta hautatu 'Ezarri lehenetsi gisa', txantiloia lehenetsi gisa ezartzeko. Marka berde bat agertuko da txantiloiaren gainean eta txantiloia automatikoki kargatuko da aplikazio horretako dokumentu berria sortzen denean.

Aldatu izena

Hautatu txantiloi bat leiho nagusian, egin eskuineko klik eta hautatu 'Aldatu izena', txantiloiaren izena aldatzeko. Elkarrizketa-koadro bat agertuko da, txantiloiarentzako izen berri bat hautatzeko. Idatzi izena eta aukeratu 'Ados', edo aukeratu 'Utzi' idatzi duzun izena baztertzeko.

Ezabatu

Hautatu leiho nagusitik ezabatu nahi den txantiloi bat edo batzuk eta sakatu Ezabatu botoia, edo egin eskuineko klik eta aukeratu Ezabatu hautatutako txantiloia(k) ezabatzeko. Elkarrizketa-koadro bat agertuko da ezabaketa berresteko. Aukeratu Bai ezabatzeko, edo Ez uzteko.

note

Integratutako txantiloiak ezin dira editatu, izenez aldatu edo ezabatu.


Adibideak

1. adibidea - Gutun komertziala sortzea

  1. Ireki LibreOffice Writer

  2. Sakatu +Shift+N edo aukeratu Fitxategia - Berria - Txantiloiak, txantiloi-kudeatzailea irekitzeko.

  3. Idatzi "Gutun komertziala" bilaketa-koadroan

  4. Aukeratu leiho nagusiko txantiloietako bat bere gainean klik eginda edo hura hautatuta eta sakatuta.

  5. Dokumentu berria sortuko da, txantiloi hori erabilita, LibreOffice Writer aplikazioaren instantzia berri batean

  6. Aldatu testua eta logoa, zure beharretara egokituta

2. adibidez - Inportatu txantiloia - Aurrekontu pertsonalen kalkulu-orria

  1. Ireki LibreOffice Calc

  2. Sakatu +Shift+N edo aukeratu Fitxategia - Berria - Txantiloiak, txantiloi-kudeatzailea irekitzeko.

  3. Egin klik 'Hedapenak' ikonoak txantiloi gehiago bilatzeko linean.

  4. Bilatu 'Personal Budget Template', eta deskargatu

  5. Ireki txantiloi-kudeatzailea eta aukeratu 'Inportatu' botoia

  6. Hautatu kategoria bat txantiloi berrirako, adibidez Nire txantiloiak, eta sakatu Ados.

  7. Joan txantiloia deskargatu duzun karpetara, hautatu txantiloia eta sakatu 'Ireki'.

  8. Orain, txantiloia zuk hautatutako kategorian egongo da.

3. adibidea - LibreOffice Impress – Aurkezpen-txantiloia

  1. Ireki LibreOffice Impress

  2. Txantiloi-kudeatzailea automatikoki irekiko da LibreOffice Impress irekitzen denean

  3. Hautatu txantiloi bat zure aurkezpenerako, iragazi kategorien edo bilaketaren arabera

  4. Beste aukera bat da laster-menua erabiltzea, txantiloi bat inportatzea edo linean begiratzea txantiloi bat bilatzeko.

  5. Txantiloi-kudeatzaileko zenbait eginbide ez daude erabilgarri lehen aldiz automatikoki irekitzen denean. LibreOffice Impress lehen aldiz abiarazi ondoren, beharbada txantiloi-kudeatzailea berriro exekutatu beharko da eginbide guztiak eskura edukitzeko.

tip

Erabili kategoriak zure txantiloiak antolatzeko. Sortu txantiloi berriak edo deskargatu txantiloiak eta antolatu horiek txantiloi-kudeatzailean. Erabili txantiloiak errepikakorrak diren dokumentuekin denbora aurrezteko.


Begiratu https://extensions.libreoffice.org txantiloi berriak deskargatzeko.

Ikusi 'Lanean hastea' gidaren 3. kapitulua, 'Estiloak eta txantiloiak erabiltzea'.

Ikusi Dokumentu-txantiloi bat sortzea horri buruzko informazio gehiagorako.

Ikusi Txantiloiak eta estiloak horri buruzko informazio gehiago jasotzeko.

Emaguzu laguntza!