Formatua kopiatzea 'Klonatu formatua' tresnaren bidez

Erabili Klonatu formatua tresna testu-hautapen edo objektu baten formatua kopiatu eta beste testu-hautapen edo objektu batean aplikatzeko.

Hautatu kopiatu nahi duzun formatua duen testua edo objektua.
Estandarra barran, egin klik Klonatu formatua ikonoan. Saguaren kurtsoreak pintura-ontzi baten itxura hartuko du.
Hautatu formatua aplikatu nahi diozun testua edo objektua, edo egin klik haren gainean.

Formatua hautapen bati baino gehiagori aplikatzeko, egin klik bikoitza Klonatu formatua ikonoan. Formatua aplikatu ondoren, sakatu ikonoa berriro.

Modu lehenetsian, karaktere-formatua besterik ez da kopiatzen; paragrafo-formatua ere kopiatzeko, eutsi sakatuta teklari klik egiten duzunean. Paragrafo-formatua soilik kopiatzeko, eutsi sakatuta +⇧ teklari klik egiten duzunean.

Calc aplikazioan, formatua klonatzeko tresnak Formatua - Gelaxkak elkarrizketa-koadroaren bidez edo horren baliokideak diren metodoen bidez aplikatutako formatua soilik kopiatzen du. Beraz, karaktereei zuzenean aplikatutako edozein formatu, gelaxka bateko testua hautatu eta Formatua - Karakterea elkarrizketa-koadroan emandakoa adibidez, ez da kopiatuko formatua klonatzeko tresnaren bidez.

Paragrafo-formatuak paragrafo osoari aplikatzen zaizkion formatuak dira. Karaktere-formatuak paragrafoaren zati bati aplikatzen zaizkionak dira. Esaterako, letra lodiaren formatua aplikatzen badiozu paragrafo oso bati, formatu lodia paragrafo-formatu bat da. Paragrafo horren zati bati formatu lodia kentzen badiozu, formatu hori oraindik paragrafo-formatua da, baina formatua kendu diozun zatiak "ez lodia" karaktere-formatua ere dauka.

Ondorengo taulan, Klonatu formatua tresnarekin kopia daitezkeen formatu-atributuak deskribatzen dira:

Hautapen mota	Iruzkina
Ez dago ezer hautatuta, baina kurtsorea testu-pasarte baten barruan dago	Uneko paragrafoaren formatua eta testu-fluxuaren norabideko hurrengo karakterearen formatua kopiatzen ditu.
Testua hautatuta dago	Azkena hautatutako karakterearen formatua eta karaktere hori duen paragrafoaren formatua kopiatzen ditu.
Markoa hautatuta dago	Formatua - Markoa eta objektua - Propietateak elkarrizketa-koadroan definitutako marko-atributuak kopiatzen ditu. Markoaren edukiak, tamaina, kokapena, estekak, hiperestekak eta makroak ez dira kopiatuko.
Objektua hautatuta dago	Formatua - Grafikoak edo Formatua - Marrazki-objektua elkarrizketa-koadroetan definitutako objektu-formatua kopiatzen du. Objektuaren edukiak, tamaina, kokapena, hiperestekak eta makroak ez dira kopiatuko.
Inprimaki-kontrola hautatuta dago	Ez da onartzen
Marrazki-objektua hautatuta dago	Formatu-atributu guztiak kopiatzen ditu. Impress eta Draw aplikazioetan, objektuaren testua ere kopiatu egiten da.
Calc-eko gelaxketako testua hautatu da	Ez da onartzen
Writerreko taula edo gelaxkak hautatuta daude	Formatua - Taula elkarrizketa-koadroko 'Taula', 'Testu-fluxua', 'Ertzak' eta 'Atzeko planoa' fitxetako formatua kopiatzen du. Paragrafo- eta karaktere-formatua ere kopiatzen da.
Calc-eko taula edo gelaxkak hautatuta daude	Formatua - Gelaxkak elkarrizketa-koadroa erabilita zehaztutako gelaxka-formatua kopiatzen du.