Garapen-tresnak
LibreOffice dokumentuetako objektuak ikuskatzen ditu eta onartzen diren UNO zerbitzuak eta erabilgarri dauden metodoak, propietateak eta inplementatutako interfazeak erakusten ditu.
Eginbide honen bidez, dokumentuaren egitura arakatu daiteke Document Object Model (DOM) erabilita.
Garapen-tresnak LibreOffice Writer, Calc, Impress eta Draw dokumentu guztietan daude ikusgai. Bistaratzea iraunkorra da eta ikusgai egongo da hura desautatu arte.
Garapen-tresnak gaituta badaude, leiho atrakagarri bat erakutsiko da pantailaren beheko aldean. Leihoak bi atal ditu:
-
Document Object Model zuhaitz-ikuspegia: Dokumentu-zatiak erakusten ditu Document Object Model (DOM) ereduaren arabera. Erabili sekzio hau ikuskatu nahi diren objektuak aukeratzeko.
-
Objektuak ikuskatzeko panela: Hautatutako objektuaren zerbitzu, metodo, propietate eta interfaze erabilgarriak erakusten ditu.
Eginbide hau LibreOffice 7.2 bertsiotik aurrera dago erabilgarri Writer, Calc, Impress eta Draw aplikazioetan.
Dokumentu-ereduaren zuhaitz-ikuspegia
Leihoaren ezkerreko aldeak Uneko hautapena txandakatze-botoi bat, Freskatu botoi bat eta dokumentuko objektu guztien zuhaitz-ikuspegi bat ditu.
Zuhaitz-ikuspegiaren portaera Uneko hautapena txandakatze-botoiaren egoeraren araberakoa izango da:
-
Egin klik Uneko hautapena aukeran dokumentuan unean hautatutako objektuaren propietateak bistaratzeko. Zuhaitz-ikuspegiko edozein elementutan klik egiten bada, ez da ezer gertatuko.
-
Egin klik berriro Uneko hautapena aukeran zuhaitz-ikuspegiko edozein elementu bistaratzeko eta Objektuak ikuskatzeko paneleko edukiak eguneratzeko.
Dokumentu-ereduaren zuhaitz-ikuspegian bistaratutako objektu motak erabiltzen ari den LibreOffice aplikazioaren araberakoak izango dira:
|
LibreOffice aplikazioa |
Onartutako objektuak |
|---|---|
|
Writer |
Paragrafoak |
|
Calc |
Orriak |
|
Impress |
Diapositibak |
|
Draw |
Orrialdeak |
Objektuak ikuskatzeko panela
Leihoaren eskuineko aldea Objektuak ikuskatzeko panela da, ikuskatzen ari den objektuari buruzko informazioa erakutsiko duena.
Klase-izena: Objektu-klasearen izena da.
Erabili klase-izena API dokumentazioan informazio gehiago aurkitzeko. Adibidez, Writer dokumentu baten goi mailako objektua SwXTextDocument klasearen instantzia bat da; klase horren dokumentazioa SwXTextDocument klasearen erreferentzia web-orrian ikusi daiteke.
Objektua sakonago ikuskatzeko, erabili bere interfazeak, zerbitzuak, propietateak eta metodoak bistaratzen dituzten lau fitxak.
Objektuei buruzko informazioa zutabetan antolatuta dago fitxa bakoitzean. Bistaratutako zutabe multzoa hautatutako fitxaren araberakoa da.
'Interfazeak' fitxa
Objektuak inplementatzen dituen interfazeen zerrenda aurkezten duen zutabe bakar bat du.
'Zerbitzuak' fitxa
Objektuak onartzen dituen zerbitzuen zerrenda aurkezten duen zutabe bakar bat du.
'Propietateak' fitxa
Objektuaren propietateak deskribatzen dituzten lau zutabe ditu:
-
Propietatea: Objektuaren propietateen izenak erakusten ditu.
-
Balioa: Uneko propietatearen balioaren testuzko irudikapen bat bistaratzen du.
-
Mota: Propietatearen mota erakusten du.
-
Info: Bistaratu propietateari buruzko informazio esanguratsua. Adibidez, irakurtzeko soilik den propietate batek "irakurtzeko soilik" erakusten du zutabe honetan.
Propietateak fitxak testu-koadro bat ere badu beheko aldean, propietatearen balioaren testuzko irudikapen osoa bistaratzeko.
'Metodoak' fitxa
Uneko objektuak deitu ditzakeen metodoen zerrenda konbinatua deskribatzen duten lau zutabeak ditu:
-
Metodoa: Objektuaren metodo guztiek izenak erakusten ditu.
-
Itzulera mota: Objektu-metodoen itzulera mota bistaratzen du. Baliorik itzultzen ez duten metodoak "void" modura markatuko dira zutabe honetan.
-
Parametroak: Metodoak behar dituen parametroen zerrenda eta haiek zein motatakoak diren erakusten du.
-
Inplementazio-klasea: Metodoa zein klasetan inplementatu den bistaratzen du, klasearen izena erakutsiz.