Testu-dokumentuetako datuak txertatzea
Testua beste dokumentu mota batzuetan ere txertatu daiteke, adibidez kalkulu-orrietan eta aurkezpenetan. Kontuan izan derberdina dela testua marko batean, kalkulu-orriko gelaxka batean edo aurkezpen baten eskema-bistan txertatzea.
-
Arbelera testua kopiatzen baduzu, hura testu-atributuekin edo atributurik gabe itsatsi dezakezu honako laster-teklekin: +C kopiatzeko eta +V itsasteko.
Arbeleko edukia zein formaturekin itsatsiko den hautatzeko, egin klik barra estandarreko Itsatsi ikonoaren ondoko gezian edo aukeratu Editatu - Itsatsi berezia, eta ondoren, hautatu nahi duzun formatua.
-
Testu-dokumentuaren izenburuei 'Izenburua' paragrafo-estiloaren formatua eman bazaie, aukeratu Fitxategia - Bidali - Eskema aurkezpenera. Aurkezpen-dokumentu berria sortuko da, eta izenburuak eskema gisa edukiko ditu.
-
Izenburu bakoitza hari dagozkion paragrafoekin transferitu nahi baduzu, hautatu Fitxategia - Bidali - Autolaburpena aurkezpenera komandoa. Izenburuei izenburuen paragrafo-estiloaren formatua eman behar diezu komando hau ikusi ahal izateko.
Testua arrastatu eta jareginen bidez kopiatzea
-
Testu bat hautatu eta arrastatu eta jareginda kalkulu-orrira eramaten baduzu, testu gisa txertatuko da, sagua askatzen duzun gelaxkan.
-
Testua aurkezpen baten ikuspegi arruntera arrastatzen baduzu, OLE objektua txertatuko da LibreOffice plugin gisa.
-
Testua aurkezpenaren eskema-ikuspegira arrastatzen baduzu, kurtsorea dagoen lekuan txertatuko da.