Image Filter

Irudia barrako ikono honek Irudi-iragazkia barra irekitzen du, eta hortik hainbat iragazki aplika dakizkioke hautatutako irudiari.

Alderantzikatu

Koloretako irudien kolore-balioak alderantzikatzen ditu iragazki honek. Grisen eskalakoetan, berriz, distiraren balioak alderantzikatzen dira. Efektua lehengo egoerara itzultzeko, aplikatu berriro iragazkia.

Leuna

Irudia leundu edo lausotu egiten du pasaera baxuko iragazki bat aplikatuz.

Garbiago

Irudiaren kontrastea handitzen du goi-paseko iragazki bat aplikatuz.

Kendu zarata

Zarata kentzen du iragazki ertain bat aplikatuz.

Solarizazioa

Solarizazioa definitzeko elkarrizketa-koadro bat irekitzen du. Solarizazioak argazkiak egitean argi asko dagoenean gertatzen den efektua simulatzen du. Koloreak partzialki alderantzikatzen dira.

Parametroak

Solarizazio maila eta mota zehazten ditu.

Atalase-balioa

Ehunekotan zehazten du zein distira-mailatatik gora solarizatuko diren pixelak.

Alderantzikatu

Solarizatu behar diren pixelak ere alderantzikatu behar diren zehazten du.

Zahartzea

Pixel guztietan balio grisak ezartzen dira, eta berdearen eta urdinaren kolore-kanalak murriztu egiten dira adierazten den kantitatearen arabera. Gorriaren kolore-kanala ez da aldatzen.

Zahartze-maila

Zehaztu zahartzeko intentsitatea, ehunekotan. % 0an pixel guztien balio grisa ikusiko duzu. % 100ean kanal gorria besterik ez da geratzen.

Posterizatu

Poster-koloreen kopurua zehazteko elkarrizketa-koadro bat irekitzen du. Efektu hau kolore kopuruaren murrizketan dago oinarrituta. Argazkiei margo itxura ematen die.

Poster-koloreak

Irudiaren kolorea zein kopurutara murriztuko den zehazten du.

Pop Art

Irudi bat pop art formatura bihurtzen du.

Ikatz-marrazkia

Irudia ikatz-marrazkia bailitzan bistaratzen du. Irudiaren ingeradak beltz marrazten dira, eta jatorrizko koloreak ezabatu egiten dira.

Erliebea

Erliebeak sortzeko elkarrizketa-koadro bat erakusten du. Sortuko den itzal mota zehazten duen alegiazko argi-iturburuaren kokagunea aukeratu daiteke, eta irudi grafikoak erliebean izango duen itxura ere bai.

Argi-iturria

Argi-iturburuaren kokalekua zehazten du. Puntuak argi-iturburua irudikatzen du.

Mosaikoa

Pixel multzo txikiak kolore bereko laukizuzenetan elkartzen ditu. Banakako laukizuzenak gero eta handiagoak izan, irudi grafikoak xehetasun gutxiago izango ditu.

Elementu-bereizmena

Laukizuzenetan elkartuko den pixel kopurua zehazten du.

Zabalera

Lauza bakoitzaren zabalera definitzen du.

Altuera

Lauza indibidualen altuera definitzen du.

Nabarmendu ertzak

Objektuaren ertzak hobetzen edo handitzen ditu.