Konbinazio-koadroen morroia: Datu-baseko eremua

Konbinazio-eremuekin, eremuaren balioa datu-basean gorde dezakezu edo inprimakian bistaratu.

Konbinazio-eremuan erabiltzaileak sartutako balioak edo zerrendan hautatutakoak, inprimakitik atzitzen den datu-baseko taulan gorde daitezke. Kontuan izan balioak ezin direla beste taula batean gorde. Balioak ez badira gordetzen datu-base batean, inprimakian bakarrik gordeko dira. Hori oso erabilgarria da HTML inprimakietan, erabiltzaileak sartu edo hautatutako balioak zerbitzari bati bidali behar baitzaizkio.

Komando hau erabiltzeko...

Ireki Inprimaki-kontrolak tresna-barra, egin klik Konbinazio-koadroa ikonoan, eta arrastatu sagua eremua sortzeko. Beharrezkoa da datu-baseren batekiko konexioa egotea inprimakian: morroiaren 3. orrialdea.


Balioa datu-baseko eremu batean gorde nahi duzu?

Bi aukera eskaintzen zaizkizu:

Bai, gorde datu-baseko eremu honetan

Erabiltzaileak sartu edo hautatu duen konbinazio-eremuko balioa datu-baseko eremu batean gorde behar den zehazten du. Uneko inprimakian sar daitezkeen datu-baseko hainbat taula-eremu eskaintzen dira.

Kontrol - Propietateetan, zehaztutako eremua Datu-eremu gisa agertuko da Datuak fitxa-orrian.

Zerrenda-eremua

Konbinazio-eremuko balioa gordeko den datu-eremua zehazten du.

Ez, inprimakian bakarrik gorde nahi dut balioa.

Konbinazio-eremuko balioa ez dela datu-basean idatziko eta inprimakian bakarrik gordeko dela zehazten du.

Emaguzu laguntza!