Esportatu EPUB gisa

Esportatu uneko fitxategia EPUB formatura.

EPUB liburu elektronikoetarako fitxategien estandar bat da, .epub luzapena darabilena. Fitxategi horiek telefono adimentsuetan, tabletetan, ordenagailuetan edo irakurgailu elektronikoetan deskargatu eta irakurri daitezke.

Komando hau erabiltzeko...

Aukeratu Fitxategia - Esportatu honela - Esportatu EPUB gisa.

Esportatu EPUB gisa

Esportatu zuzenean EPUB gisa


EPUB elkarrizketa-koadroa

Orokorra

Bertsioa

Emaitza gisa sortuko den EPUB fitxategiaren bertsioa ezartzen du.

Zatitze-metodoa

Hautatu EPUBaren hurrengo sekzioak izango duen hasiera mota.

Diseinu-metodoa

Diseinu moldakorreko edo finkoko EPUB bat sortuko den zehazten du.

Azaleko irudi pertsonalizatua

Sartu azalaren irudi pertsonalizatuaren fitxategiaren bide-izen osoa. Sarrera hutsik badago, esportatzaileak multimedia-direktoriotik (ikus behean) hartuko du azaleko irudia, izena honakoetako bat denean: cover.gif, cover.jpg, cover.png edo cover.svg.

note

Azaleko irudi pertsonalizatua EPUB fitxategian kapsulatuko da.


Multimedia-direktorio pertsonalizatua

Sartu EPUB fitxategirako multimedia-direktorio pertsonalizatua. Multimedia-direktorioak azalerako irudi bat izan dezake, goian ikusten den bezala, metadatu pertsonalizatuak eta irudi-estekak.

Modu lehenetsian, esportatzaileak dokumentuaren fitxategi-izen bera duen eta dokumentua toki berean dagoen karpeta batean bilatzen ditu multimedia eta metadatu pertsonalizatuak. Esaterako, dokumentu-izena Niretestua.odt bada, azala eta metadatuak bilatzeko karpeta lehenetsia uneko direktorioan egongo den Niretestua izango da.

Metadatu pertsonalizatuetarako, jatorrizko fitxategiak duen izen bera baina ".xmp" luzapena duen fitxategi bat eman behar da. Hornitutako metadatu horiek dokumentuaren barneko metadatuak gainidatziko ditu. Goiko adibidean, metadatu pertsonalizatuek Niretestua direktorioan egon beharko lukete, Niretestua.xmp izenarekin.

Irudiak edo testua estekatzeko esteka erlatiboak sortzen badira eta irudi horiek multimedia-direktorioan badaude, multimedia horiek erabilgarri egongo dira EPUB esportazioaren emaitzan, laster-leiho gisa.

Metadatuak

Sartu dokumentuaren metadatu lehenetsiak gainidatziko dituzten metadatu pertsonalizatuak. Testu-eremu horiek hutsik utzi daitezke.

Identifikatzailea

Sartu argitalpenaren identifikatzaile bakarra.

Titulua

Sartu argitalpenaren izenburua.

Egilea

Sartu argitalpenaren egilea.

Hizkuntza

Argitalpenaren hizkuntza (ikus RFC4646 eta ISO 639 balio posibleak ezagutzeko).

Data

Argitalpena aldatu den azken data. Propietate horren balioak XML eskemaren dateTime espezifikazioa bete behar du, honako forman: CCYY-MM-DDThh:mm:ssZ. Balio lehenetsia esportazio-koadroa ireki deneko data eta ordua dira.

Emaguzu laguntza!