Tresna-barrak
LibreOffice tresna-barrak pertsonalizatzea ahalbidetzen du.
Bilatu
Sartu kate bat testu-koadroan, komandoen bilaketa mugatzeko.
Kategoria
Hautatu komandoen kategoria goitibeherako zerrendan, komandoen bilaketa mugatzeko, edo korritu zerrenda beherantz. Makroen eta estiloen komandoak zerrendaren beheko aldean daude.
Funtzioa
Bilaketa-katea eta nahi den funtzioaren kategoria konbinatu ondoren lortutako emaitza bistaratzen du.
Deskribapena
Testu-koadroak hautatutako komandoaren deskribapen laburra dauka.
Esparrua
Hautatu tresna-barra zein kokalekutan erantsiko den. LibreOffice modulu bati eransten bazaio, tresna-barra modulu horretan irekitako fitxategi guztietarako egongo da erabilgarri. Fitxategiari eransten bazaio, fitxategi hori ireki eta aktibo dagoenean soilik egongo da erabilgarri.
Helburua
Hautatu pertsonalizazioa aplikatuko zaion tresna-barra. Uneko funtzio multzoa beheko kutxan bistaratzen da.
Gehitu
Egin klik hanburgesa-ikonoan eta aukeratu 'Gehitu' tresna-barra berria gehitzeko.
Ezabatu
Egin klik hanburgesa-ikonoan eta aukeratu 'Ezabatu' tresna-barra ezabatzeko.
Tresna-barra pertsonalizatuak edo tresna-barretako sarrera pertsonalizatuak ezaba daitezke soilik.
Eskuinerako geziaren botoia
Sakatu eskuinerako geziaren botoia ezkerreko bistaratze-koadroan funtzio bat hautatzeko eta hura eskuineko bistaratze-koadroan kopiatzeko. Horrela, funtzioa hautatutako tresna-barrari gehituko zaio.
Ezkerrerako geziaren botoia
Sakatu ezkerrerako geziaren botoia hautatutako komandoa uneko tresna-barratik kentzeko.
Gorako eta beherako gezien botoiak
Sakatu gorako edo beherako gezien botoiak hautatutako komandoa gorantz edo beherantz mugitzeko bistaratutako tresna-barraren komandoen zerrendan.
Hautatutako komandoa arrastatu eta jaregin dezakezu hura nahi duzun tokira mugitzeko.
Txertatu
Txertatu bereizlea: Gehitu bereizle-marka bat tresna-barrak hobeto irakurri daitezen eta komandoak gaiaren arabera elkartzeko.
Aldatu
-
Aldatu izena: Aldatu sarreraren izena.
-
Aldatu ikonoa: Aldatu ikonoa elkarrizketa-koadroa irekitzen du, uneko komandoari beste ikono bat esleitu ahal izateko.
-
Berrezarri ikonoa: Ikono lehenetsia berrezartzen du.
-
Leheneratu komandu lehenetsia: Komando lehenetsia leheneratzen du.
Balio lehenetsiak
Lehenago tresna-barra honi egindako aldaketa guztiak ezabatzen ditu.