Menuak

LibreOffice menuak modulu guztietarako pertsonalizatzea ahalbidetzen du.

Komando berriak gehitu ahal dira, lehendik dauden komandoak aldatu, edo menu-elementuak berrantolatu. Makroen bidez exekutatutako komandoak ere gehi daitezke, eta edozein motako estiloak aplikatu zuzenean menutik.

Komando hau erabiltzeko...

Aukeratu Tresnak - Pertsonalizatu - Menuak fitxa.


Bilatu

Sartu kate bat testu-koadroan, komandoen bilaketa mugatzeko.

Kategoria

Hautatu menu-komandoen kategoria goitibeherako zerrendan, komandoen bilaketa mugatzeko, edo korritu zerrenda beherantz. Makroen eta estiloen komandoak zerrendaren beheko aldean daude.

Komando erabilgarriak

Bilaketa-katea eta nahi den komandoaren kategoria konbinatu ondoren lortutako emaitza bistaratzen du.

Deskribapena

Testu-koadroak hautatutako komandoaren deskribapen laburra dauka.

Esparrua

Hautatu menua zein kokalekutan erantsiko den. LibreOffice modulu bati eransten bazaio, menua modulu horretan irekitako fitxategi guztietarako egongo da erabilgarri. Fitxategiari eransten bazaio, fitxategi hori ireki eta aktibo dagoenean soilik egongo da erabilgarri.

Helburua

Hautatu pertsonalizazioa aplikatuko zaion menua.

Gehitu

Sakatu engranajearen ikonoan eta aukeratu 'Gehitu' menu berri bat gehitzeko.

Gurpila ikonoa

Gurpilaren ikonoa

Kendu

Sakatu engranajearen ikonoan eta aukeratu 'Ezabatu' menua ezabatzeko.

note

Menu pertsonalizatuak edo menu-sarrera pertsonalizatuak ezaba daitezke soilik.


Esleitutako komandoak

Helburuko menuan erakutsiko diren komandoak bistaratzen ditu.

Eskuinerako geziaren botoia

Sakatu eskuinerako geziaren botoia ezkerreko bistaratze-koadroan komando bat hautatzeko eta hura eskuineko bistaratze-koadroan kopiatzeko. Horrela, komandoa hautatutako tresna-barrari gehituko zaio.

Ezkerrerako geziaren botoia

Sakatu ezkerrerako geziaren botoia hautatutako komandoa uneko menutik kentzeko.

Gorako eta beherako gezien botoiak

Sakatu gorako edo beherako gezien botoiak hautatutako komandoa gorantz edo beherantz mugitzeko bistaratutako menu-komandoen zerrendan.

tip

Hautatutako komandoa arrastatu eta jaregin dezakezu hura nahi duzun tokira mugitzeko.


Pertsonalizatu

Txertatu

Aldatu

Balio lehenetsiak

Menu honi aurretik egindako aldaketa guztiak ezabatzen ditu.

Emaguzu laguntza!