Geometria

Hautatutako 3D objektuaren forma doitzen du. 2D objektu bihurtutako objektuaren bidez sortutako 3D objektuaren forma alda daiteke soilik. 2D objektu bat 3D objektu bihurtzeko, hautatu objektua, saguaren eskuineko botoiarekin klik egin eta ondoren aukeratu Bihurtu - 3D edo Bihurtu - 3D biraketa-objektua.

Geometria

Definitu hautatutako 3D objektuaren formaren propietateak.

Ertz biribilduak

Sartu 3D objektuaren izkinak biribiltzeko erabiliko den kantitatea.

Sakonera-eskala

Sartu hautatutako 3D objektuaren aurrealdeko area zein neurritan handitu edo txikituko den.

Biraketa-angelua

Sartu 3D biraketa-objektua biratzeko erabiliko den angelua, graduetan.

Sakonera

Sartu hautatutako 3D objektuaren estrusio-sakonera. Aukera hau ez dago erabilgarri 3D biraketa-objektuetarako.

Segmentuak

3D biraketa-objektua marrazteko erabiltzen den segmentu kopurua alda daiteke.

Horizontala

Sartu zenbat segmentu horizontal erabiliko den hautatutako 3d biraketa-objektuan.

Bertikala

Sartu zenbat segmentu bertikal erabiliko den hautatutako 3d biraketa-objektuan.

Normalak

3D gainazalaren errendatze-estiloa alda daiteke.

Objektuaren berariazkoa

3D gainazala objektuaren formaren arabera errendatzen du. Adibidez, forma zirkular bat gainazal esferiko baten bidez errendatzen du.

Laua

3D gainazala poligono modura errendatzen du.

Esferikoa

3D azalera leuna errendatzen du.

Alderantzikatu normalak

Argi-iturria alderantzikatzen du.

Bi aldetako argiztapena

Objektua kanpotik eta barnetik argitzen du. Giro-argiaren iturri bat erabiltzeko, sakatu botoi hau eta ondoren egin klik Alderantzikatu normalak botoian.

Bi aldetako orrialdea

Forma libreko marra baten estrusio bidez sortutako 3D objektuaren forma ixten du (Bihurtu - 3D).