Ertzak
Hautatutako objektuen ertzen aukerak ezartzen ditu Writer edo Calc aplikazioetan.
Ertzaren kokapena, tamaina eta estiloa zehatz daitezke Writer edo Calc aplikazioetan.
Taula oso baten ertza aldatzeko, kokatu kurtsorea taula-gelaxka batean, saguaren eskuineko botoiaz egin klik, aukeratu Taula, eta ondoren egin klik Ertzak fitxan. Taula-gelaxka baten ertza aldatzeko, hautatu gelaxka, egin klik saguaren eskuineko botoiaz, aukeratu Taula, eta ondoren egin klik Ertzak fitxan.
Lerro-antolamendua
Hautatu aplikatuko den ertz aurredefinitua.
Tresna-barrako Ertzak botoia ere erabili daiteke ertz-formatu aurredefinituak aplikatzeko.
Elkarren ondoko gelaxkak ataleko Kendu ertza aukeraren bidez, hautatutako barrutiaren ertzak kenduko diren ala ez zehazten da. Utzi aukera hori markatu gabe ertzeko mugak aldaketarik gabe utzi behar badira.
Begiratu Erabiltzaileak definitutako ertzak gelaxketan laguntza-orria marra-antolamendu pertsonalizatuak nola definitu ikasteko.
Marra
Egin klik aplikatu nahi duzun ertz-estiloan. Aurrebistan hautatutako ertzetan ertza aplikatzen da.
Hautatu hautatutako ertzean erabili nahi duzun marra-kolorea.
Betegarria
Zehaztu zenbat leku utzi nahi duzun ertzaren eta hautapen-edukiaren artean.
Ezkerrean
Zehaztu zein distantzia utzi nahi duzun ezkerreko ertzaren eta hautapen-edukiaren artean.
Eskuinean
Zehaztu zein distantzia utzi nahi duzun eskuineko ertzaren eta hautapen-edukiaren artean.
Goian
Zehaztu zein distantzia utzi nahi duzun goiko ertzaren eta hautapen-edukiaren artean.
Behean
Zehaztu zein distantzia utzi nahi duzun beheko ertzaren eta hautapen-edukiaren artean.
Sinkronizatu
Betegarri-ezarpen berdinak aplikatzen ditu lau ertzetan, beste distantzia bat sartzen denean.
Itzal-estiloa
Ertzetan itzal-efektua ere aplika daiteke. Emaitza onenak lortzeko, efektu hori aplikatu soilik lau ertzak ikusgai daudenean.
Dokumentuko marko batean ainguratutako grafikoek edo objektuek ezin dute markoaren neurria gainditu. Marko guztia betetzen duen objektuaren ertzetan itzal bat aplikatzen baduzu, objektuaren tamaina txikitu egiten da itzalak bistaratzeko.
Kokagunea
Egin klik hautatutako ertzek izango duten itzal-estiloan.
Distantzia
Sartu itzalaren zabalera.
Kolorea
Hautatu itzalaren kolorea.
Propietateak
Uneko paragrafoaren edo hautatutako paragrafoen propietateak zehazten ditu.
Batu hurrengo paragrafoarekin
Uneko paragrafoaren ertz-estiloa eta itzal-estiloak hurrengo paragrafoarekin fusionatzen dira. Estilo horiek fusionatzeko ezinbestekoa da: hurrengo paragrafoaren eta uneko paragrafoaren estiloen koskak, ertzak eta itzalak berdinak izatea. Paragrafo-estiloan ere aukera hau erabilgarria da.
Batu elkarren ondoko marra-estiloak
Writer taula batean elkarren alboko gelaxketako ertz-estilo desberdinak fusionatzen ditu, ertz-estilo bakarra hartuta. Propietate hori Writer dokumentu bateko taula oso baterako da baliozkoa.
Arauak estu daitezke instrukzio batean, atributu sendoenak jarraitzen du. Adibidez, 2 puntuko zabalerako ertz gorri bat baldin badago gelaxka batean eta ondoko gelaxkan 3 puntuko zabalerako ertz urdina, bi gelaxken arteko ertza 3 puntuko zabalera duen ertz urdina izango da.