Orokorra

Uneko fitxategiari buruzko oinarrizko informazioa dago.

Fitxategia

Fitxategi-izena bistaratzen du.

Mota

Uneko dokumentuaren fitxategi-izena bistaratzen du.

Kokalekua

Fitxategia gordeta dagoen direktorioaren bide-izena eta izena bistaratzen ditu.

Tamaina

Uneko dokumentuaren tamaina adierazten du bytetan.

Sortze-data

Fitxategia lehenengo aldiz gorde zen uneko data, ordua eta egilea bistaratzen ditu.

Aldatze-data

Fitxategia azken aldiz gorde zen uneko data, ordua eta egilea bistaratzen ditu LibreOffice fitxategi-formatuan.

Txantiloia

Fitxategia sortzeko erabili zen txantiloia bistaratzen du.

Digitalki sinatua

Azken aldiz sinatu zen uneko data eta ordua bistaratzen ditu, baita dokumentua sinatu zuen egilearen izena ere.

Sinadura digitalak

Sinadura digitalak elkarrizketa-koadroa irekitzen du. Hor uneko dokumentuaren sinadura digitalak kudea daitezke.

Azken inprimaketa

Fitxategia azken aldiz inprimatu zen uneko data, ordua eta erabiltzaile-izena bistaratzen ditu.

Editatze-denbora guztira

Fitxategia sortu zenetik, hura editatzeko irekita igarotako denbora bistaratzen du. Edizio-denbora fitxategia gordetzen denean eguneratzen da.

Berrikuspen-zenbakia

Fitxategia zenbat aldiz gorde den bistaratzen du.

Aplikatu erabiltzaile-datuak

Erabiltzailearen izen osoa fitxategiarekin gordetzen du. Izena edita dezakezu - LibreOffice - Erabiltzaile-datuak aukeratuz.

Berrezarri propietateak

Edizio-denbora zeron, sortze-data uneko datan eta orduan eta bertsio-zenbakia 1en berrezartzen ditu. Aldaketa eta inprimatze-datak ere ezabatu egiten dira.

Gorde aurrebista dokumentu honekin

Miniatura bat ('preview .png') gordetzen du dokumentuaren barruan. Irudi hori fitxategi-kudeatzaileek erabiliko dute zenbait baldintzatan.