Kontsulten morroia
Kontsulta-morroiaren bidez, datu-baseen kontsultak diseinatu daitezke. Gordetako kontsulta geroago ere erabili daiteke, bai erabiltzaile-interfaze grafikotik bai automatikoki sortzen den SQL lengoaiako komandoa erabiliz.
Kontsulta sortzeko erabiliko den taula zehazten du, eta kontsultan zein eremu sartuko diren zehazten du.
Kontsultako datu-erregistroen ordena zehazten du.
Kontsulta iragazteko bilaketa-baldintzak zehazten ditu.
Kontsultaren erregistro guztiak bistaratuko diren ala agregazio-funtzioen emaitzak soilik bistaratuko diren zehazten du.
Orri hau erakutsiko da kontsultan agregazio-funtzioak erabiltzea ahalbidetzen dituzten zenbakizko eremuak daudenean soilik.
Kontsulta elkartuko den ala ez zehazten du. Datu-iturburuak "Elkartu klausulen arabera" SQL kontsulta onartu behar du morroiaren orri hau aktibo agertu dadin.
Kontsultan elkartzeak sortzeko baldintzak zehazten ditu. Datu-iturburuak "Elkartu klausulen arabera" SQL instrukzioa onartu behar du morroiaren orri hau aktibo egon dadin.
Aliasak esleitzen dizkie eremu-izenei. Aliasak aukerakoak dira eta eremu-izenen ordez bistaratzen dira. Erabiltzailearentzat egokiagoak diren izenak sortzeko erabiltzen dira. Adibidez, aliasak erabilgarriak dira taula desberdinetako eremu desberdinek izen bera dutenean.
Sartu kontsultaren izena eta zehaztu morroia amaitu ondoren kontsulta bistaratu ala aldatu nahi duzun.
Atzera
Aurreko urratsean elkarrizketa-koadroan egindako aukerak ikusi ahal izan dituzu. Uneko ezarpenak ez dira aldatuko. Bigarren orrialdetik aurrera soilik egongo da aktibatuta botoi hau.
Hurrengoa
Sakatu Hurrengoa botoia, eta morroiak uneko elkarrizketa-koadroaren ezarpenak erabiliko ditu eta hurrengo urratsera joango da. Azken urratsean bazaude, botoia Sortu izatera igaroko da.
Amaitu
Aldaketa guztiak aplikatu eta morroia ixten du.
Utzi
Utzin klik egitean itxi egiten da elkarrizketa-koadroa aldaketak gorde gabe.
Kontsulten morroia - Eremu-hautapena