Ezarpen bereziak

Datu-baseetan datuekin lan egiteko modua zehazten du.

Komando hau erabiltzeko...

Datu-basearen leiho batean, aukeratu Editatu – Datu-basea – Ezarpen aurreratuak


Ondorengo kontrolen erabilgarritasuna datu-base motaren araberakoa da:

Erabili SQL92ren izendatze-murriztapenak

Datu-iturburuetako izenetan SQL92 izen-murriztapenekin bat datozen karaktereak soilik onartzen ditu. Gainerako karaktere guztiak baztertu egiten dira. Izen guztiek letra minuskulaz, letra maiuskulaz edo azpimarraz ( _ ) hasi behar dute. Gainerako karaktereak ASCII letrak, zenbakiak eta azpimarrak izan daitezke.

Erabili AS gako-hitza taulen alias-izenen aurretik

Zenbait datu-basek "AS" gako-hitza erabiltzen dute izenen eta horien aliasen artean, eta beste batzuek zuriunea erabiltzen dute. Gaitu aukera hau alias aurrean AS txertatzeko.

Amaitu testu-lerroak 'CR + LF' kodeekin

Hautatu testu-lerro guztiak amaitzeko CR + LF kode-bikotea erabiltzea (komenigarria DOS eta Windows sistema eragileetan).

Erantsi taulako aliasa SELECT instrukzioetan

Taularen izenari aliasa eransten dio SELECT instrukzioetan.

Erabili kanpoko elkartzeen sintaxia '{OJ }'

Erabili ihes-sekuentziak kanpoko elkartzeetan (outer joins). Ihes-sekuentzia horren sintaxia {oj outer-join} da

Adibidea:

select Article.* from {oj item LEFT OUTER JOIN orders ON item.no=orders.ANR}

Ez ikusiarena egin datu-basearen kontrolatzaileko pribilegioei

Datu-basearen kontrolatzaileak emandako sarbide-pribilegioei ez ikusiarena egiten die.

Ordeztu parametro izendunak ? ikurrarekin

Datu-iturburuko parametro izendunak galdera-ikurrarekin (?) ordezten ditu.

Erakutsi bertsioaren zutabeak (eskuragarri daudenean)

Datu-base batzuek bertsio-zenbakia esleitzen die eremuei erregistroko aldaketen jarraipena egiteko. Eremuen bertsio-zenbakia puntu bat handitzen da haien edukia aldatzen den bakoitzean. Erregistroaren barneko bertsio-zenbakia bistaratzen du datu-baseko taulan.

Erabili katalogo-izena SELECT instrukzioetan

Katalogoaren uneko datu-iturburua erabiltzen du. Aukera hori erabilgarria da ODBC datu-iturburua datu-basearen zerbitzaria denean. Ez hautatu aukera hori, ODBC datu-iturburua dBase kontrolatzailea denean.

Erabili eskema-izena SELECT instrukzioetan

SELECT instrukzioetan eskema-izena erabiltzeko aukera ematen du.

Sortu indizea ASC edo DESC instrukzioarekin

Indizea sortzen du ASC edo DESC instrukzioaren bidez.

Balio boolearren konparazioa

Hautatu zein konparazio boolear erabiliko den.

Inprimakiko datuen sarrerak egiaztatzea beharrezko eremuentzako

Erregistro bat sartzen denean edo lehendik dagoen bat eguneratzen denean, sarreraren bat eskatzen duen datu-baseko zutabe bati lotutako eremu bat hutsik uzten bada, eremu hutsaz ohartarazten duen mezu bat bistaratuko da.

Kontrol-lauki hori gaituta ez badago, uneko datu-baseko inprimakiak ez dira berrikusiko beharrezko eremuak bete diren ala ez egiaztatzeko.

Kontrol-laukia erabilgarri dago datuetan idazteko aukera ematen duten datu-iturburu mota guztietarako. Kontrol-laukia ez da ageri kalkulu-orrietan, testuan, csv formatuan eta irakurtzeko soilik diren helbide-liburuetan.

Ez ikusiarena egin moneta-eremuaren informazioari

Oracle JDBC konexioetarako soilik. Gaituta badago, moneta-eremutzat hartuko den zutaberik ez dagoela zehazten du. Datu-baseak itzulitako eremu mota baztertu egiten da.

Erabili ODBCko zehaztapenekin bateragarriak diren data/ordua literalak

Erabili ODBC estandarrarekin bat datozen data/ordua literalak.

Lehen mailako gakoak onartzen ditu

Gaitu hau datu-baseak lehen mailako gakoak onartzen dituen detektatzeko Base aplikazioak erabiltzen dituen heuristikak gainidazteko.

Datu-base batekin konektatzean API generiko bat erabiltzen bada, esaterako ODBC, JDBC edo ADO, Base aplikazioak heuristika erabiltzen du datu-base horrek lehen mailako gakoak onartzen dituen zehazteko. API horiek ez dute euskarri espezifikorik informazio hori atzitu ahal izateko.

Batzuetan heuristikak huts egiten du. Hiru egoerako kontrol-lauki hau zehaztu gabeko egoeran dago modu lehenetsian, alegia, "aplikatu heuristika" egoeran. Kontrol-laukia gaituta badago, lehen mailako gakoen euskarria badagoela onartzen da. Kontrol-laukia desgaituta badago, lehen mailako gakoen euskarririk ez dagoela onartzen da.

Kontuan izan aukera hori heuristika bertan behera uzteko besterik ez dela. Kontrol-laukia gaitzen bada lehen mailako gakoen euskarria ez duen datu-base baterako, erroreak gertatuko dira.

Emaguzu laguntza!