Exekutatu SQL instrukzioa

Elkarrizketa-koadro bat irekitzen du bertan SQL komando bat sartu eta datu-baseak administratzeko.

Komando hau erabiltzeko...

Datu-baseen fitxategi-leihoan, aukeratu Tresnak - SQL.

Elkarrizketa-koadro horretan administrazio-komandoak bakarrik sartu daitezke, hala nola 'Grant' (erabiltzaile eskubideak eman), 'Create table' (sortu taula) edo 'Drop Table' (jaregin taula), eta ez iragazki-komandoak. Sartzen diren komandoak datu-iturburuaren araberakoak izango dira; adibidez, dBASEk hemen zerrendatzen diren SQL komando batzuk soilik exekutatu ditzake.

Datu-baseko datuak iragaziko dituen SQL kontsulta bat exekutatzeko, erabili Kontsulta-diseinuaren ikuspegia.

Exekutatuko den komandoa

Sartu exekutatuko den SQL administrazio-komandoa.

Adibidez, "Bibliografia" datu-iturburu batean, ondorengo SQL komandoa sartu daiteke:

SELECT "Helbidea" FROM "biblio" "biblio"

SQL komandoei buruz informazio gehiago lortzeko, irakurri datu-baseak berekin duen dokumentazioa.

Exekutatu SQL komandoa zuzenean

Jatorrizko SQL moduan, LibreOffice aplikazioak interpretatu ezin dituen SQL komandoak sar ditzakezu, baina zuzenean datu-iturburura pasako dira. Aldaketa horiek diseinu-leihoan bistaratzen ez badituzu, ezingo duzu itzuli diseinu-leiho horretara.

Erakutsi "select" instrukzioen irteera

Erakutsi SQL SELECT komandoaren emaitza irteerako koadroan.

Exekutatu

Exekutatuko den komandoa koadroan sartutako komandoa exekutatzen du.

Aurreko komandoak

Aurretik exekutatutako SQL komandoak zerrendatzen ditu. Komando bat berriro exekutatzeko, egin klik komandoan eta sakatu Exekutatu.

Egoera

Exekutatu den SQL komandoaren egoera, erroreak barne, bistaratzen du.

Irteera

Exekutatu den SQL komandoaren emaitzak bistaratzen ditu.

Itxi

Elkarrizketa-koadroa ixten du.