ODBC

ODBC datu-baseen ezarpenak zehazten ditu, besteak beste erabiltzailearen atzitze-datuak, kontrolagailu-ezarpenak eta letra-tipoen definizioak.

Erabiltzaile-izena

Idatzi erabiltzaile-izena datu-basean sartzeko.

Pasahitza behar da

Baimenik ez duen erabiltzaile bat datu-basera sartu dadin eragozten du. Pasahitza behin bakarrik sartu behar da saio bakoitzeko.

Kontrolatzaile-ezarpenak

Erabili testu-eremu hau kontrolagailuaren aukerako ezarpen gehiago sartzeko, beharrezkoa bada.

Karaktere-jokoa

Hautatu LibreOffice aplikazioko datu-baseak ikusteko erabiliko den kode-bihurketa. Horrek ez dio eragiten datu-baseari. Aukeratu "Sistema" sistema eragileko karaktere-joko lehenetsia erabiltzeko. Testu eta dBASE datu-baseak tamaina finkoko karaktere-luzera duten karaktere-jokoetara murriztuta daude. Karaktere horiek byte kopuru berdinarekin kodetuta daude.

Orokorra

Eskuratu sortutako balioak

LibreOffice aplikazioak gehikuntza automatikoko datu-eremuak onartzea gaitzen du uneko ODBC edo JDBC datu-iturburuarentzat. Hautatu kontrol-lauki hau, datu-baseak gehikuntza automatikoko eginbidea onartzen ez badu SDBCX geruzan. Orokorrean, gehikuntza automatikoa lehen mailako gakoarentzat hautatzen da.

Gehikuntza automatikoko instrukzioa

Sartu datu-iturburuari zehaztutako osoko datu-eremua automatikoki handitzeko agintzen dion SQL komando-adierazlea. Adibidez, datu-eremua sortzeko SQL instrukzio tipikoetako bat honakoa da:

CREATE TABLE "taula1" ("id" INTEGER)

MySQL datu-base bateko "id" datu-eremua automatikoki handitzeko, erabili instrukzio hau:

CREATE TABLE "taula1" ("id" INTEGER AUTO_INCREMENT)

Beste hitz batzuetan, sartu AUTO_INCREMENT Gehikuntza automatikoko instrukzioa koadroan.

Sortutako balioen kontsulta

Sartu hemen lehen mailako gakoaren datu-eremurako automatikoki handitutako azken balioa itzultzen duen SQL instrukzioa. Adibidez:

SELECT LAST_INSERT_D();

Erabili SQL92ren izendatze-murriztapenak

SQL92 izen-murriztapenekin bat datozen karaktereak soilik onartzen ditu datu-iturburuetan. Beste karaktere guztiak baztertu egiten dira. Izen guztiek letra maiuskulaz edo minuskulaz edo azpimarraz ( _ ) hasi behar dute. Gainerako karaktereak ASCII letrak, azpimarrak eta zenbakiak izan daitezke.

Erabili katalogoa fitxategian oinarritutako datu-baseetan

Katalogoaren uneko datu-iturburua erabiltzen du. Hori erabilgarria da ODBC datu-iturburua datu-baseen zerbitzari bat denean. ODBC datu-iturburua dBASE kontrolatzailea denean, ez markatu kontrol-lauki hau.