Kopiatu taula

Taula bat kopiatzeko, taula hori datu-baseen fitxategi-leihoko taula-eremura arrastatu eta jaregin daiteke. Kopiatu taula elkarrizketa-koadroa agertuko da.

Taularen izena

Kopiaren izena zehazten du. Datu-base batzuek zortzi karaktere edo gutxiago dituzten izenak soilik onartzen dituzte.

Aukerak

Definizioa eta datuak

Datu-baseko taularen 1:1 kopia sortzen du. Taularen definizioa eta datu guztiak kopiatzen dira. Taularen definizioan datu-eremu desberdinetako taularen egitura eta formatua sartzen dira, baita eremu-propietate bereziak ere. Eremu-edukiek datuak hornitzen dituzte.

Definizioa

Taularen definizioa soilik kopiatzen du, baina ez hari dagozkion datuak.

Taula-ikuspegi gisa

Datu-baseak Ikuspegiak onartzen baditu eta aukera hau hautatzen bada, kontsulta bat sortuko da, taula modura, taula-edukiontzian. Aukera honen bidez kontsultaren emaitza taula-ikuspegi arrunt gisa ikusi daiteke. Taula "Select" SQL instrukzioaren bidez iragaziko da ikuspegian.

Erantsi datuak

Kopiatuko den taularen datuak lehendik dagoen taula bati erantsiko dizkio.

Taularen definizioak berdina izen behar du datuak kopiatu ahal izateko. Datuak ezingo dira kopiatu helburu-taulako datu-eremuak iturburu-taulako datu-eremuaren formatu berdina ez badu.

Parekatu datu-eremuen izenak Kopiatu taula elkarrizketa-koadroan, Aplikatu zutabeak orrian.

Datuak erantsi ezin badira, eremu-zerrenda bat agertuko da Zutabe-informazioa elkarrizketa-koadroan. Eremu horietako datuak ezin dira kopiatu. Elkarrizketa-koadro hori 'Ados' botoiaren bidez berresten bada, zerrendan agertzen ez diren datuak soilik erantsiko dira.

Sortu lehen mailako gakoa

Lehen mailako gakoa izango den datu-eremu bat sortzen du automatikoki, eta balioekin betetzen du. Eremu hori beti erabili beharko litzateke, lehen mailako gakoak erabilgarri egon behar baitu beti taula editatu ahal izateko.

Izena

Sortutako lehen mailako gakoaren izena zehazten du. Izena hautazkoa da.

Hurrengo orrialdea