'Zutabea eta barra' diagrama mota

Diagramen morroiaren lehen orrian, diagrama mota bat hautatu dezakezu.

Zutabea

Mota honek barra bertikaldun barra-diagrama edo barra-grafiko bat erakusten du. Barra bakoitzaren altuera haren balioaren proportzionala da. x ardatzak kategoriak erakusten ditu. y ardatzak kategoria bakoitzarentzako balioa erakusten du.

Normala - azpimota honek kategoria baten barruan dauden datu-balio guztiak elkarren ondoan erakusten ditu. Garrantzirik handiena balio absolutu indibidualek jasotzen dute. gainerako balioen aldean.

Pilatuta - azpimota honek kategoria bakoitzeko datu-balioak bata bestearen gainean erakusten ditu. Garrantzi nagusia balio bakoitzaren ekarpen indibidualean eta kategoria-balio orokorrean dago kategoria bakoitzean.

Ehunekoa - azpimota honek datu-balio bakoitzaren ehuneko erlatiboa erakusten du kategoriaren guztizkoarekiko. Garrantzi handiena balio bakoitzak kategoriaren guztizkoari egindako ekarpen erlatiboan dago.

Datu-balioen 3D ikuspegia gaitu daiteke. Eskema "errealistak" 3D itxurarik onena ematen saiatzen da. Eskema "sinpleak" beste Office produktu batzuen diagrama-bista imitatzen saiatzen da.

3D diagrametan, datu-balio bakoitzaren forma hauta dezakezu kubo, zilindro, kono eta piramidearen artean.

Barra

Mota honek barra horizontaldun barra-diagrama edo barra-grafiko bat erakusten du. Barra bakoitzaren luzera haren balioaren proportzionala da. y ardatzak kategoriak erakusten ditu. x ardatzak kategoria bakoitzarentzako balioa erakusten du.

Azpimotak zutabe-diagrametako azpimota berak dira.