Balio bikoiztuak kentzea

Demagun balioak dituen zutabe bakar bat dugula, eta balio horietako batzuk bikoiztuta daudela. Balio bikoiztuak kendu eta sarrera bakarrak eskuratzeko:

1. Hautatu balio bikoiztuak kenduko zaizkion balio-barrutia. Balioek zutabe bakar batean antolatuta egon behar dute.

2. Joan Datuak - Iragazki gehiago - Iragazki estandarra aukerara. Horrek Iragazki estandarra elkarrizketa-koadroa irekiko du.

3. Eremu-izena aukeran, ziurtatu hautatutako zutabea balioak dituena dela. Zutabe bakarra hautatu bada, eremu hori automatikoki ezarriko da.

4. Baldintza atalean, aukeratu = (berdinaren ikurra). Aukera lehenetsia da.

5. Balioa atalean, hautatu Hutsik ez aukera.

6. Egin klik Aukerak botoian eta hautatu Bikoizturik ez. Lehen balioa zutabe-goiburukoa bada, markatu Barrutiak zutabe-etiketak ditu aukera.

7. Markatu Kopiatu emaitzak eta erabili bere azpiko sarrera-koadroa sarrera bakarrak sartuko diren gelaxka-helbide baten berri emateko.

8. Sakatu Ados. Barrutiko balio bakarrak aurreko urratsean hautatutako gelaxkatik hasita sartuko dira.