Aplikatu formatu automatikoa hautatutako gelaxka-barrutiari

Erabili autoformatuaren eginbidea orri bati nahiz hautatutako gelaxka-barruti bati berehala formatua aplikatzeko.

Autoformatua aplikatzea hautatutako gelaxka-barruti bati

1. Hautatu autoformatu-estiloa aplikatuko zaion gelaxka-barrutia. Barrutiak gutxienez 3 zutabe eta 3 errenkada izan behar ditu.

2. Joan Formatua - Autoformatu-estiloak atalera 'Autoformatua' elkarrizketa-koadroa irekitzeko.

3. Formatua zerrendan, aukeratu aplikatuko den autoformatu-estiloa.

4. Formatu atalean, aukeratu autoformatu-estiloko zein propietateak aplikatuko zaizkion hautatutako gelaxka-barrutiari.

5. Sakatu Ados autoformatu-estiloa aplikatzeko eta elkarrizketa-koadroa ixteko.

Autoformatu-estilo berria definitzea

1. Calc kalkulu-orri batean, eman formatua gutxienez 4 zutabe eta 4 errenkada dituen gelaxka-barruti bati, autoformatu-estilo berria sortzeko eredu gisa erabilia izan dadin.

2. Hautatu aurreko urratsean formatua eman zaion gelaxka-barrutia eta joan Formatua - Autoformatu-estiloak aukerara.

3. Sakatu Gehitu.

4. Gehitu autoformatua elkarrizketa-koadroaren Izena koadroan, sartu autoformatu-estilo berriaren izena.

5. Egin klik Ados aukeran eta itxi elkarrizketa-koadroa.