Hautatu funtzioa

>Txertatu gelaxka-barruti baten funtzioa uneko gelaxkan. Funtzioa izan daiteke SUM (Batuketa), AVERAGE (Batexbestekoa), MINIMUM (Gutxienekoa), MAXIMUM (Gehienekoa) edo COUNT (Zenbaketa). Egin klik gelaxka batean, egin klik ikono honetan, hautatu funtzioa goitibeherako zerrendan eta, aukeran, doitu gelaxka-barrutia. Edo bestela, hautatu funtzioaren balioa txertatuko den zenbait gelaxka eta egin klik ikonoan. Funtzioaren emaitza barrutiaren behealdean gehituko da.

Barrutirik hautatu gabe aplikatuko den 'Hautatu funtzioa' aukera

LibreOffice aplikazioak automatikoki iradokiko du gelaxka-barruti bat, kalkulu-orriak datuak baditu. Gelaxka-barrutiak dagoeneko funtzio bat badu, hura funtzio berriarekin konbinatu daiteke barrutiko datuei aplikatutako funtzioaren emaitza emateko. Barrutiak iragazkiak baditu, 'Subtotala' funtzioa txertatuko da hautatutako funtzioaren ordez.

Egin klik Onartu ikonoan sarrera-lerroan bistaratutako formula erabiltzeko, edo sakatu Utzi.

Hautatutako barruti bati aplikatutako 'Hautatu funtzioa' aukera

Hautatutako barrutiak bi errenkada edo gehiago baditu, funtzioa zutabe bakoitzerako kalkulatuko da. Emaitzak barrutiaren azpian erabilgarri dagoen lehen errenkadako gelaxka hutsetan kokatuko dira, emaitza bana zutabeko.

Hautatutako barrutiak errenkada bakarra duenean, funtzioaren emaitza hautatutako barrutiaren eskuinean erabilgarri dagoen lehen gelaxkan kokatuko da.