OPT_BARRIER

>Langa-aukera baten prezioa itzultzen du, aukeren prezioen Black-Scholes eredua erabilita.

Informazio gehiagorako, begiratu Aukerak (finantzak) eta Black-Scholes ereduaren wikipediako orriak.

Sintaxia

OPT_BARRIER(Eskurakoa; Aldakortasuna; Tasa; AtzerrikoTasa; Mugaeguna; EkitaldiPrezioa; BehekoLanga; GoikoLanga; Hobaria; PutCall; SarreraIrteera; MugaMonitorea [; Greziarra])

Eskurakoa azpikoa aktiboaren prezioa / balioa da eta 0,0 baino handiagoa izan behar du.

Aldakortasuna: Azpiko aktiboaren urteko aldakortasun-ehunekoa da, dezimal modura adierazita (adibidez, %30 sartzeko erabili 0,3). Balioak 0,0 baino handiagoa izan behar du.

Tasa: Etengabe konposatutako interes-tasa. Ehuneko bat da, dezimal gisa adierazita (adibidez, %40 adierazteko erabili 0,4).

AtzerrikoTasa: Etengabe konposatutako atzerriko interes-tasa. Ehuneko bat da, dezimal gisa adierazita (adibidez, %50 adierazteko erabili 0,5).

Mugaeguna aukeraren mugaeguna da, urtetan, eta ez du negatiboa izan behar.

EkitaldiPrezioa balioa aukeraren ekitaldi-prezioa da, eta positiboa edo zero izan beharko litzateke.

BehekoLanga: Aurretik zehaztutako beheko langako prezioa; ezarri zero beheko langarik ez badago.

GoikoLanga: Aurretik zehaztutako goiko langako prezioa; ezarri zero goiko langarik ez badago.

Hobaria langara iritsiz gero mugaegunean ordaindu beharreko diru kopurua da.

'Put' edo 'Call' aukera bat saltzekoa (put, “p”) edo erostekoa (call, “c”) den definitzen duen kate bat da).

SarreraIrteera kateak aukera knock-in (“i”) edo knock-out (“o”) den definitzen du.

LangaMonitorea: Langa etengabe (“c”) ala soilik amaieran/mugaegunean (“e”) monitorizatuko den definitzen duen katea.

Greziarra (aukerakoa): Kate motako argumentua. Ez bada ezartzen edo “value”, “v”, “price” edo “p” ezartzen bada, funtzioak aukeraren prezioa soilik itzuliko du. Baliozko beste kate bat sartzen bada, funtzioak sarrerako parametro batekiko prezio-sentikortasunak (greziarrak) itzuliko ditu. Kasu horretan, baliozko aukerak hurrengoak dira:

“delta” edo “d”.
“gamma” edo “g”.
“theta” edo “t”.
“vega” edo “e”.
“volga” edo “o”.
“vanna” edo “a”.
“rho” edo “r”.
“rhof” edo “f”.

Adibideak

=OPT_BARRIER(30;0.2;0.06;0;1;40;25;0;0;"c";"o";"c") funtzioak 0.4243 balioa itzultzen du.

=OPT_BARRIER(50;0.4;0.05;0;0.5;65;0;80;0;"p";"o";"c";"e") funtzioak 10.1585 balioa itzultzen du.

Informazio teknikoa

Funtzio hau LibreOffice 4.0 bertsiotik dago erabilgarri.

Funtzio hau ez dago Open Document Format for Office Applications (OpenDocument) Version 1.3. Part 4: Recalculated Formula (OpenFormula) Format estandarrean. Izen-espazioa honakoa da:

COM.SUN.STAR.SHEET.ADDIN.PRICINGFUNCTIONS.GETOPTBARRIER

OPT_BARRIER wiki page.

Finantza-funtzioak, lehen zatia

Finantza-funtzioak, bigarren zatia

Finantza-funtzioak, hirugarren zatia