Iragazki aurreratua

Iragazki aurreratu bat definitzen du.

Komando hau erabiltzeko...

Aukeratu Datuak - Iragazki gehiago - Iragazki aurreratua....


Irakurri iragazki-irizpideak hemendik:

Hautatu barruti izenduna, edo sartu erabili nahi dituzun iragazki-irizpideak dituen gelaxka-barrutia.

Txikiagotu / Zabaldu

Egin klik Txikiagotu ikonoan, elkarrizketa-koadroa sarrera-eremuaren neurrira txikitzeko. Horrela, hobeto markatu daiteke beharrezko erreferentzia orrian. Ondoren, ikonoa Zabaldu ikono bihurtuko da. Egin klik bertan, elkarrizketa-koadroa jatorrizko neurrira itzultzeko.

Elkarrizketa-koadroa automatikoki txikiagotuko da, saguarekin orrian klik egitean. Saguaren botoia askatu bezain laster, elkarrizketa-koadroa leheneratu egingo da, eta saguarekin definitutako erreferentzia-barrutia marko urdin batekin nabarmenduko da dokumentuan.

Icon shrink

Txikiagotu

Icon Expand

Zabaldu

Aukerak

Iragazki-aukera osagarriak erakusten ditu.

Maiuskula/minuskula

Maiuskulak eta minuskulak bereizten ditu datuak iragaztean.

Barrutiak zutabe-etiketak ditu

Gelaxka-barruti bateko lehen errenkadako zutabe-etiketak sartzen ditu.

Kopiatu emaitzak hemen:

Hautatu kontrol-laukia, eta ondoren hautatu iragazkiaren emaitzak erakusteko gelaxka-barrutia. Barruti izendun bat ere hauta dezakezu zerrendatik.

Adierazpen erregularra

Iragazkia definitzean komodinak erabiltzeko aukera ematen du. LibreOffice(e)k onartzen dituen adierazpen erregularren zerrenda ikusteko, egin klik hemen.

Adierazpen erregularrak kontrol-laukia hautatuta badago, adierazpen erregularrak erabili ahal izango dituzu Balioaren eremuan, Baldintzaren zerrenda-koadroan '=' EQUAL edo '<>' UNEQUAL ezarrita badago. Gainera, iragazki aurreratu baterako erreferentziatutako gelaxketan ere erabili ahal izango dituzu.

Bikoizterik ez

Errenkada bikoiztuak baztertzen ditu iragazitako datuen zerrendan.

Mantendu iragazteko irizpideak

Hautatu Kopiatu emaitzak hemen kontrol-laukia, eta zehaztu helburuko zein barrutitan bistaratu nahi dituzun iragazitako datuak. Kontrol-lauki hau hautatuta badago, helburuko barrutia iturburuko barrutiari estekatuta geratuko da. Datuak - Definitu barrutia aukeran datu-basearen barruti gisa definituta eduki behar duzu iturburuko barrutia. Ondoren, edozein unetan berriro aplikatu ahal izango duzu definitutako iragazkia: egin klik iturburuko barrutian, eta ondoren aukeratu Datuak - Freskatu barrutia.

Iragazki aurreratuak aplikatzea

  1. Kopia itzazu iragazi beharreko orri-barrutietako zutabeen goiburukoak orriaren barruti huts batean, eta ondoren sartu iragazkiaren irizpideak goiburukoen azpiko errenkadan. Horren ondorioz, errenkada batean horizontalean antolatutako datuak beti lotuko dira ETA eragile logikoaren bidez, eta zutabe batean antolatutakoak beti lotuko dira EDO eragile logikoaren bidez.

  2. Behin iragazki-matrizea sortutakoan, hautatu iragazi beharreko orri-tarteak. Ireki Iragazki aurreratuak elkarrizketa-koadroa Datuak - Iragazki gehiago - Iragazki aurreratua aukeratuz, eta definitu iragazki-baldintzak.

  3. Ondoren, egin klik 'Ados' botoian eta bilaketa-irizpideak betetzen dituzten errenkadak bakarrik egongo dira ikusgai. Gainerakoak ezkutuan egongo dira, baina nahi izanez gero berriro bistara ditzakezu Formatua - Errenkadak - Erakutsi komandoarekin.

Adibidea

Kargatu erregistro kopuru handiko kalkulu-orri bat. Asmatutako sarreren dokumentu bat erabiliko dugu adibide honetan, baina beste edozein dokumentu ere erabil dezakezu. Dokumentuak itxura hau du:

A

B

C

D

E

1

Hilabetea

Estandarra

Lanekoa

Luxuzkoa

Suitea

2

Urtarrila

125600

200500

240000

170000

3

Otsaila

160000

180300

362000

220000

4

Martxoa

170000

eta abar...


Kopiatu 1. errenkadako goiburukoak (eremu-izenak), adibidez, 20. errenkadan. Sartu EDO eragilearen bidez lotutako iragazki-baldintzak 21, 22... errenkadetan. Areak itxura hau izango du:

A

B

C

D

E

20

Hilabetea

Estandarra

Lanekoa

Luxuzkoa

Suitea

21

Urtarrila

22

<160000


Urtarrila balioa Hilabetea gelaxketan daukaten errenkadak bakarrik EDO gealxka estandarretan 160000tik beherako balio bat daukatenak bakarrik bistaratuko direla zehaztu ezazu.

Hautatu Datuak - Iragazki gehiago - Iragazki automatikoa komandoa, eta ondoren A20:E22 barrutia. 'Ados' aukeran klik egin ondoren, iragazitako errenkadak soilik bistaratuko dira. Gainerako errenkadak ezkutatu egingo dira.

Emaguzu laguntza!