Iragazki automatikoa
Automatikoki iragazten du hautatutako gelaxka-barrutia, eta errenkada bateko zerrenda-koadro bat sortzen du, zein elementu bistaratu nahi dituzun aukeratzeko.
Hainbat iragazki automatiko aplikatu nahi badizkiozu orri berari, datu-basearen barrutiak definitu behar dituzu lehendabizi.
Ordenatu gorantz
Gelaxka-barrutiko errenkadak gorantz ordenatuta bistaratzen ditu, uneko zutabearen gelaxketako balioetan oinarrituta.
Ordenatu beherantz
Gelaxka-barrutiko errenkadak beherantz ordenatuta bistaratzen ditu, uneko zutabearen gelaxketako balioetan oinarrituta.
Lehen 10ak
Hautatutako gelaxka-barrutirako, uneko zutabearen gelaxketan baliorik handienak dituzten 10 errenkadak bistaratzen ditu. Balio horiek bakarrak badira, ez dira 10 errenkada baino gehiago bistaratuko, baina balioak ez badira bakarrak, posible da 10 errenkada baino gehiago agertzea.
Hutsik
Hautatutako gelaxka-barrutirako, uneko zutabean gelaxka huts bat duten errenkadak soilik bistaratzen ditu.
Hutsik ez
Hautatutako gelaxka-barrutirako, uneko zutabean hutsik ez dagoen gelaxka bat duten errenkadak soilik bistaratzen ditu.
Testu-kolorea
Hautatutako gelaxka-barrutirako, hautatutako koloreak eta uneko zutabearen gelaxkaren testu-koloreak bat datozenean soilik bistaratzen ditu errenkadak.
Atzeko planoaren kolorea
Hautatutako gelaxka-barrutirako, hautatutako koloreak eta uneko zutabearen gelaxkaren atzeko planoaren koloreak bat datozenean soilik bistaratzen ditu errenkadak.
Iragazki estandarra
Iragazki estandarra elkarrizketa-koadroa irekitzen du.
Bilaketen testu-koadroa
Bilatu sarrera zehatz bat uneko zutabean dauden balioen zerrendan. Testu-koadroan karaktereak idatzi ahala, zerrenda eguneratu egingo da bat datozen sarrerak soilik erakusteko.
Denak
Egin klik behin errenkada guztiak erakustea hautatzeko, eta egin klik berriro errenkada guztiak erakusteko.
Erakutsi unekoa soilik
Bistaratu Balioa koadroan nabarmendu den balioa duten errenkadak soilik.
Ezkutatu unekoa soilik
Ezkutatu Balioa koadroan nabarmendutako balio duten errenkadak guztiak eta bistaratu gainerako errenkadak.
Balioak
Uneko zutabean dauden balio bakarren zerrenda.