Aukerak
Ordenatzeko aukera osagarriak ezartzen ditu.
Maiuskula/minuskula
Lehendabizi maiuskulen arabera ordenatzen du eta ondoren minuskulen arabera. Hizkuntza asiarretan, erabilera berezia aplikatzen da.
Asiako hizkuntzetan, egiaztatu Maiuskula/minuskula maila anitzeko konparazioa erabiltzeko. Maila anitzeko konparazioan, sarreren maiuskula/minuskulei eta diakritikoei ez zaie jaramonik egiten, eta sarreren jatorrizko formak bakarrik konparatzen dira. Ebaluazioaren arabera berdinak badira, diakritikoak kontuan hartuko zaizkie bigarren mailako konparazioan. Formak oraindik ere berdinak badira, formen maiuskulak eta minuskulak, karaktere-zabalera eta japonierako kana hartuko dira kontuan hirugarren mailako konparazioan.
Barrutiak errenkaden/zutabeen etiketak ditu
Ez ikusi egiten dio ordenatzeko hautapeneko lehen errenkadari edo lehen zutabeari. Elkarrizketa-koadroaren behealdeko Direkzioa ezarpenak definitzen ditu kontrol-lauki honen izena eta funtzioa.
Sartu formatuak
Uneko gelaxka-formatua mantentzen du.
Gaitu ordenatze naturala
Ordenatze naturala da letrazko aurrizkia duten zenbakiak zenbakizko elementua kontuan hartuta ordenatzen dituen algoritmo bat, kate arruntak bailiran ordenatu ordez. Adibidez, demagun A1, A2, A3, A4, A5, A6, ..., A19, A20, A21 balio multzoa duzula. Balio horiek gelaxka-barruti batean sartu eta ordenatzea exekutatzen baduzu, A1, A11, A12, A13, ..., A19, A2, A20, A21, A3, A4, A5, ..., A9 moduan ordenatuko dira. Ordenatze-portaera horrek zentzua izan dezake azpitik exekutatzen den ordenatze-mekanismoa ulertzen dutenentzat, baina gainerako erabiltzaileentzat bitxia izango da, ba eta askotan desegokia ere. Ordenatze naturalaren eginbidea gaituta badago, goiko adibideko balioak "behar den moduan" ordenatuko dira, eta ordenatze-eragiketen erabilgarritasuna asko hobetuko da.
Sartu iruzkinak soilik ditu(zt)en muga-zutabea(k)/-errenkada(k)
Ordenatze-barruti baten muga-zutabeak (errenkadak ordenatzeko) edo muga-errenkadak (zutabeak ordenatzeko) ez dira ordenatzen hutsik badaude. Markatu aukera hau iruzkinak dituzten muga-zutabeak edo muga-errenkadak ere ordenatzeko.
Sartu irudiak soilik ditu(zt)en muga-zutabea(k)/-errenkada(k)
Ordenatze-area baten ertzeko zutabeak (errenkadak ordenatzeko) edo ertzeko errenkadak (zutabeak ordenatzeko) ez dira ordenatzen hutsik badaude. Markatu aukera hau irudiak dituzten muga-zutabeak edo muga-errenkadak ere ordenatzeko.
Kopiatu ordenatzearen emaitzak hemen:
Zerrenda ordenatua kopiatzen du zehaztutako gelaxka-barrutian.
Ordenatzearen emaitzak (izendun barrutien zerrenda)
Hautatu ordenatutako zerrenda bistaratuko den gelaxka-barruti izendun bat.
Ordenatzearen emaitzak (sarrera-koadroa)
Sartu ordenatutako zerrenda agertuko den gelaxka-barrutia.
Ordenatze-hurrenkera pertsonalizatua
Egin klik hemen eta ondoren hautatu nahi duzun ordenatze-hurrenkera pertsonalizatua.
Ordenatze-hurrenkeraren zerrenda pertsonalizatua
Hautatu aplikatuko den ordena pertsonalizatua. Ordena pertsonalizatua definitzeko, aukeratu Tresnak - Aukerak - .
Hizkuntza
Hizkuntza
Hautatu ordenatze-arauen hizkuntza.
Aukerak
Hautatu hizkuntzaren ordenatze-aukera bat. Adibidez, hautatu "telefono-liburua" aukera alemanarentzat, umlaut karaktere berezia sartzeko ordenatzean.
Norabidea
Goitik behera (ordenatu errenkadak)
Hautatutako barrutiko zutabe aktiboetako balioen arabera ordenatzen ditu errenkadak.
Ezkerretik eskuinera (ordenatu zutabeak)
Hautatutako barrutiko errenkada aktiboetako balioen arabera ordenatzen ditu zutabeak.