Orriak babestea

Uneko orriko gelaxkak babesten ditu, inork aldatu ez ditzan.

Hautatu Tresnak - Babestu orria aukera Babestu orria elkarrizketa-koadroa irekitzeko. Hor orrien babesa zehaztu daiteke, pasahitzarekin edo pasahitzik gabe, eta orriko zein elementu babestuko den hautatu daiteke.

Babestu orri hau eta babestutako gelaxken edukia

Markatu kontrol-lauki hau orriaren eta gelaxka-edukien babesa aktibatzeko.

Pasahitza / Berretsi

Pasahitz bat sartzea ahalbidetzen du, orrian baimenik gabe aldaketak egitea eragozteko. Berretsi lehen koadroan sartutako pasahitza.

Baimendu orri honetako erabiltzaile guztiei:

Hautatu erabiltzaile-ekintzetatik babestuko diren elementuak:

• Hautatu babestutako gelaxkak: Markatu kontrol-lauki hau babestutako gelaxkak hautatu ahal izateko. Kontrol-laukia markatu gabe badago, ezin dira babestutako gelaxkak hautatu, kurtsorea ezin da sartu babestutako barruti batean.

• Hautatu babestu gabeko gelaxkak: Markatu kontrol-lauki hau babestu gabeko gelaxkak hautatzeko. Kontrol-laukia markatu gabe badago, erabiltzaileak ezin izango ditu hautatu babestu gabeko gelaxkak, kurtsoreak ezin izango du sartu babetu gabeko gelaxka edo barruti batean.

• Txertatu zutabeak: Onartu zutabeak txertatzea orria babestuta dagoenean ere bat. Kontun izan zutabeak txertatzea gaituta dagoenean, zutabeak txertatuko diren barrutian babestutako gelaxkak badaude horiek desplazatu egingo direla txertatzearen ondoren. Zutabe txertatu berrietako gelaxkek barrutiaren babes-propietatea hartuko dute: gelaxka berria barruti babestu batean badago, gelaxka babestuta geratuko da, eta babestu gabeko barruti batean badago, gelaxka ere babestu gabe geratuko da.

• Txertatu errenkadak: Onartu errenkadak txertatzea orria babestuta dagoenean ere bat. Kontun izan errenkadak txertatzea gaituta dagoenean, errenkadak txertatuko diren barrutian babestutako gelaxkak badaude horiek desplazatu egingo direla txertatzearen ondoren. Errenkada txertatu berrietako gelaxkek barrutiaren babes-propietatea hartuko dute: gelaxka berria barruti babestu batean badago, gelaxka babestuta geratuko da, eta babestu gabeko barruti batean badago, gelaxka ere babestu gabe geratuko da.

• Ezabatu zutabeak: Onartu zutabeak ezabatzea. Kontuan izan zutabeak ezabatzea babestu gabeko gelaxketan soilik onartzen dela.

• Ezabatu errenkadak: Onartu errenkadak ezabatzea. Kontuan izan errenkadak ezabatzea babestu gabeko gelaxketan soilik onartzen dela.

Babesik gabeko gelaxkak edo gelaxka-barrutiak babestutako orri batean konfigura daitezke Tresnak - Babestu orria eta Formatua - Gelaxkak - Gelaxka-babesa menu-aukerak erabiliz:

1. Hautatu babestu gabe egongo diren gelaxkak

2. Hautatu Formatua - Gelaxkak - Gelaxka-babesa fitxa. Hautatu Babestua kontrol-laukia, eta egin klik Ados botoian.

3. Tresnak - Babestu orria menuan, aktibatu orriaren babesa. Une horretatik aurrera, 1. urratsean hautatutako gelaxka-barrutia bakarrik editatu ahal izango da.

Babestu gabeko area bat babesteko:

1. Hautatu babestuko diren gelaxken barrutia.

2. Formatua - Gelaxkak - Gelaxka-babesa fitxa-orrian, markatu Babestua koadroa.

3. Aukeratu Tresnak - Babestu orria menua. Lehenago editagarria zen barrutia orain babestuta egongo da.

Orriaren babesak orriko fitxaren testuinguruko menuari ere eragiten dio pantailaren behean. Ezabatu eta Aldatu izena komandoak ezin dira hautatu.

Orri bat babestuta badago, ezingo duzu gelaxka-estilorik aldatu edo ezabatu.

Babestutako orria edo gelaxka-barrutia ezin da gehiago aldatu babesa berriro kendu arte. Salbuespen bakarra Tresnak - Babestu orria elkarrizketa-koadroan zutabeekin eta errenkadekin lan egiteko dauden salbuespenak dira. Babesa desgaitzeko, aukeratu Tresnak - Babestu orria komandoa. Pasahitzik ezarri ez bada, orriaren babesa berehala desgaituko da. Orria pasahitzarekin babestuta badago, Kendu babesa elkarrizketa-koadroa irekiko da, pasahitza sartu ahal izateko.

Aurretik gorde badira, babestutako taulak berriz gorde ahal izateko, Fitxategia - Gorde honela erabili behar duzu.