Detektibea

Kalkulu-orriaren Detektibea aktibatzen du komando honek. Detektibearekin, mendekotasunen aztarnari jarraitu ahal izango diozu uneko formula-gelaxkatik kalkulu-orriko gelaxketara.

Komando hau erabiltzeko...

Aukeratu Tresnak - Detektibea.

Behin aztarna bat definitutakoan, saguaren kurtsorea aztarnara zuzen dezakezu. Saguaren kurtsoreari itxura aldatuko zaio. Aztarnaren amaieran erreferentzia egindako gelaxka hautatzeko, egin klik bikoitza kurtsorearekin aztarnan.

Aurrekoen aztarnari jarraitu

Funtzio honen bidez, formula duen uneko gelaxkaren eta formulan erabilitako gelaxken arteko harremana ikusiko duzu.

Kendu aurrekoak

Aurrekoen aztarnari jarraitu komandoarekin txertatutako aztarna-gezien maila bat kentzen du.

Jarraitu mendekoen aztarnari

Aztarna-geziak marrazten ditu, uneko gelaxka eta bertako balioen mendeko formula darabilten gelaxkak elkarrekin lotzeko.

Kendu mendekoen aztarnak

Jarraitu mendekoen aztarnari komandoarekin sortutako aztarna-gezien maila bat ezabatzen du.

Kendu aztarna guztiak

Aztarna guztiak kentzen ditu kalkulu-orritik.

EJarraitu errorearen aztarnari

Hautatutako gelaxkan errore-balioa sortu duten aurreko gelaxka guztietan aztarna-geziak marrazten ditu funtzio honek.

Markatu baliogabeko datuak

Baliozkotasun-arauetatik kanpoko balioak dituzten orriko gelaxka guztiak markatzen ditu.

Freskatu aztarnak

Orriko aztarna guztiak birmarrazten ditu. Aztarnak birmarraztean aldatutako formulak kontuan hartzen dira.

Freskatze automatikoa

Automatikoki freskatzen ditu orriko aztarna guztiak formula bat aldatzen duzun bakoitzean.

Betetzeko modua

Betetzeko modua aktibatzen du Detektibean. Saguaren erakusleak ikur berezi baten itxura hartuko du, eta edozein gelaxkatan klik egin ahal izango duzu, aurreko gelaxkari dagokion aztarna ikusteko. Modu horretatik irteteko, sakatu Irten edo egin klik laster-menuko Irten betetzeko modutik komandoan.