Bete seriea

Sortu automatikoki serieak elkarrizketa-koadro honetako aukerekin. Adierazi norabidea, gehikuntza, denbora-unitatea eta serie mota.

Ohar-ikonoa

Serie bat bete aurretik, hautatu gelaxka-barrutia.


Komando hau erabiltzeko...

Aukeratu Orria - Bete gelaxkak - Serieak.


Serie bat automatikoki jarraitzeko osatze-arauak erabiliz, hautatu Bete automatikoki aukera, Bete seriea elkarrizketa-koadroa ireki ondoren.

Norabidea

Seriea sortzeko norabidea zehazten du.

Behera

Hautatutako gelaxka-barrutian beheranzko seriea sortzen du, definitutako gehikuntza aplikatuz azken baliora iritsi arte.

Eskuinean

Aukera honek ezkerretik eskuinera doan seriea sortzen du hautatutako gelaxka-barrutian, definitutako gehikuntza aplikatuz azken baliora iritsi arte.

Gora

Hautatutako gelaxka-barrutian goranzko seriea sortzen du, definitutako gehikuntza aplikatuz azken baliora iritsi arte.

Ezkerrera

Aukera honek eskuinetik ezkerrera doan seriea sortzen du hautatutako gelaxka-barrutian, definitutako gehikuntza aplikatuz azken baliora iritsi arte.

Serie mota

Serie mota definitzen du. Aukeratu Lineala, Geometrikoa, Data edo Automatikoki bete.

Lineala

Zenbakizko serie aritmetikoa sortzen du gehikuntza eta amaierako balioa emanez.

Geometrikoa

Serie geometrikoa sortzen du gehikuntza eta amaierako balioa emanez.

Data

Data-seriea sortzen du gehikuntza eta amaierako data zehaztuz.

Automatikoki bete

Serie bat zuzenean orrian osatzen du. Betetze automatikoaren funtzioak zerrenda pertsonalizatuak kontuan hartzen ditu. Adibidez, lehen gelaxkan Urtarrla sartzen bada, seriea osatzeko - LibreOffice Calc - Ordenatze-zerrendak atalean definitutako zerrenda erabiliko da.

Balio-serieak eredu definitu bati jarraiki osatzen ditu Automatikoki betetzeko funtzioak. 1, 3, 5 seriea automatikoki osatzen da 7, 9, 11, 13 balioekin, eta abar. Data eta orduen serieak ere horrela osatzen dira. Adibidez, 99.01.01 eta 99.01.15 daten ondoren, 14 eguneko tartea erabiliko da.

Ondoz ondoko gelaxketan oinarritutako datuak automatikoki betetzea

Denbora-unitatea

Zein denbora-unitate erabili nahi duzun hauta dezakezu area honetan. Area hau aktibo egoteko, ezinbestekoa da Data aukera hautatuta egotea Serie mota arean.

Eguna

Erabili Data serie mota eta aukera hau, elkarrekin, asteko zazpi egunak dituen serie bat sortzeko.Gehikuntza unitatetzat eguna izango du.

Asteko eguna

Erabili Data serie mota eta aukera hau, elkarrekin, bost astegunak soilik dituen serie bat sortzeko.Gehikuntza unitatetzat eguna izango du.

Hilabetea

Erabili Data serie mota eta aukera hau, Gehikuntza unitatetzat hilabetea duen serie bat sortzeko.

Urtea

Erabili Data serie mota eta aukera hau, Gehikuntza unitatetzat urtea duen serie bat sortzeko.

Hasierako balioa

Seriearen hasierako balioa zehazten du. Zenbakiak, datak edo orduak erabili.

Amaierako balioa

Seriearen amaierako balioa zehazten du. Zenbakiak, datak edo orduak erabili.

Gehikuntza

Balioak aldiko zenbatean handituko diren zehazten du "gehikuntzak". Hautatutako motako seriea urrats bakoitzean zenbatean handituko den zehazten du. Sarrera egin ahal izateko ezinbestekoa da lineala, geometrikoa edo data-serie mota hautatzea.

Emaguzu laguntza!