Bete

Automatikoki betetzen ditu gelaxkak edukiarekin.

Komando hau erabiltzeko...

Aukeratu Orria - Bete gelaxkak.

LibreOffice Calc-eko laster-menuetan aukera gehigarriak aurkituko dituzu gelaxkak betetzeko.

Behera

Hautatutako barrutia (gutxienez bi errenkada izan behar ditu) barrutiko goiko gelaxkaren edukiarekin betetzen da.

Ezkerreko gelaxkaren edukiarekin betetzen da gutxienez bi zutabe dituen barrutia hautatua.

Gelaxka beherenaren edukiarekin betetzen da gutxienez bi errenkada dituen barrutia hautatua.

Eskuineko gelaxkaren edukiarekin betetzen da gutxienez bi zutabe dituen barrutia hautatua.

Kalkulu-orri bateko orriak edo barrutiak hautatutako beste kalkulu-orri bateko gelaxka beretara transferitzeko aukerak zehazten ditu.

Sortu automatikoki serieak elkarrizketa-koadro honetako aukerekin. Adierazi norabidea, gehikuntza, denbora-unitatea eta serie mota.

Gelaxkak laster-menuen bidez betetzea:

Ireki laster-menua gelaxka batean zaudenean eta aukeratu Hautapen-zerrenda.
Uneko zutabeko testu guztia biltzen duen zerrenda-koadroa bistaratuko da. Testua alfabetikoki ordenatuta egongo da eta sarrera errepikatuak behin bakarrik agertuko dira zerrendan.
Testua gelaxkara kopiatzeko, egin klik zerrenda-sarrera batean.