UNO objektuak, funtzioak eta zerbitzuak

Unified Network Objects (UNO) funtzioak, objektuak eta zerbitzuak.

LibreOffice objektu globalak

StarDesktop objektua

StarDesktop objektuak LibreOffice aplikazioa ordezkatzen du. StarDesktop bidez, zenbait errutina edo erabiltzaile-interfazeko objektu, adibidez uneko leihoa, erabili daitezke.

GetDefaultContext funtzioa

Prozesuaren 'service factory'-ren testuinguru lehenetsia itzultzen du, baldin badago, eta bestela, null erreferentzia itzultzen du.

GetProcessServiceManager funtzioa

ProcessServiceManager itzultzen du (Uno ServiceManager zentrala).

GlobalScope adierazlea

Liburutegi-edukiontzi pertsonalak edo partekatuak (Aplikazio-makroak edo Nire makroak) kudeatzeko dokumentuaren barruan, erabili GlobalScope adierazlea.

Dokumentu aktiboko objektuak

Dokumentu aktibotik honako objektuak erabili daitezke.

ThisComponent objektuak uneko dokumentua ordezkatzen du Basic makroetan. Osagai aktiboa helbideratzen du, haren propietateak irakurri eta ezarri ahal izateko eta haren metodoak deitzeko. ThisComponent bidez eskuragarri dauden propietateak eta metodoak dokumentu motaren araberakoak dira.

ThisDatabaseDocument objektuak

ThisDatabaseDocument objektuak Base dokumentu aktiboa helbideratzen du, bere propietateak irakurri eta ezarri ahal izateko eta bere metodoak deitu ahal izateko.

ThisDatabaseDocument objektuak com.sun.star.sdb.XOfficeDatabaseDocument motako objektu bat itzultzen du.

UNO metodoak

Erabili honako metodoak Unified Network Objects (UNO) motako objektuak kudeatu edo kontsultatzeko.

CreateUnoDialog funtzioa

Basic Uno objektua sortzen du, eta horrek Uno elkarrizketa-koadroaren kontrola ordezkatzen du Basic exekutatzen den bitartean.

CreateUnoListener funtzioa

Entzule-instantzia bat sortzen du.

CreateUnoService funtzioa

UNO zerbitzu baten instantzia bat sortzen du ProcessServiceManager bidez.

CreateUnoServiceWithArguments funtzioa

UNO zerbitzu baten instantzia sortzen du ProcessServiceManager bidez, aukerako argumentu gehigarriak barne.

CreateUnoStruct funtzioa

Uno egitura motaren instantzia bat sortzen du.

CreateUnoValue funtzioa

Mota hertsiko balioa ordezkatzen duen objektua itzultzen du. Balio horrek Uno motako sistemari egiten dio erreferentzia.

EqualUnoObjects funtzioa

True itzultzen du zehaztutako bi Basic aldagaiek UNO objektu-instantzia bera ordezkatzen badute.

HasUnoInterfaces funtzioa

Basic Uno objektu batek zenbait Uno interfaze onartzen dituen egiaztatzen du.

IsUnoStruct funtzioa

True (egiazkoa) itzultzen du, objektua UNO struct bat bada.

CreateObject funtzioa

UNO objektu bat sortzen du. Windows sisteman OLE objektuak ere sor ditzake.

Metodo honek parametro gisa pasatako motaren instantziak sortzen ditu.

LibreOffice aplikazioak Application Programming Interface (API) bat eskaintzen du LibreOffice osagaiak programazio-lengoaien bidez kontrolatzeko, LibreOffice Software Development Kit (SDK) erabilita. LibreOffice APIari eta Software Development Kit tresnari buruzko informazio gehiagorako, begiratu https://api.libreoffice.org

Garapen-tresnak